ტომპსონის პისტოლეტ-ტყვიამფრქვევი: განსხვავება გადახედვებს შორის

მალაიისა და ბირმის კამპანიებში, ასევე წყნარი ოკეანის საბრძოლო თეატრში ლენდ-ლიზით გაცემული ტომპსონები გამოიყენებოდა ბრიტანელი, ინდოელი, ავსტრალიელი და [[ერთა თანამეგობრობა|თანამეგობრობის]] ჯარისკაცების მიერ. ის აქტიურად გამოიყენებოდა ჯუნგლებში, სადაც ეფექტური იყო მაღალი საცეცხლე შესაძლებლობის წყალობით, თუმცა აკრიტიკებდნენ არასაიმედოობის გამო. მომარაგების სირთულეების გამო 1943 წელს ავსტრალიელმა სამხედროებმა ის ავსტრალიური წარმოების Owen და Austen პისტოლეტ-ტყვიამფრქვევებით ჩაანაცვლეს, ბრიტანელებმა კი — [[Sten|სტენის პისტოლეტ-ტყვიამფრქვევით]] (Sten gun).

[[ფაილი:9 Div Tobruk(AWM 020779).jpg|მარცხნივ|მინი|ტომპსონის პისტოლეტ-ტყვიამფრქვევებით შეიარაღებული ავსტრალიელი სამხედროები [[ტობრუკი|ტობრუკთან]],1941 წლის 8 სექტემბერი.]]

 

ამერიკელი საზღვაო ქვეითები ასევე იყენებდნენ ტომპსონის პისტოლეტ-ტყვიამფრქვევს გარკვეული რაოდენობით, განსაკუთრებით ომის ბოლოსკენ კუნძულებზე იერიშებისას. მალევე აღმოჩნდა, რომ ტომპსონს შეზღდული შესაძლებლობები ჰქონდა ღრმა ჯუნგლების საფარში, რადგანაც მისი სუსტი ტყვიები ვერ ხვრეტდა ყველაზე მცირე დიამეტრის ხეებსა და დამცავ ჯავშანჟილეტებს. აშშ-ს საარმიო ძალების წევრები, რომლებიც ჯუნგლებში პატრულირებდნენ, თავდაპირველად ტომპსონებს იყენებდნენ ახალი გვინეისა და გუადალკანალის კამპანიებში, თუმცა მოგვიანებით მათ ტომსპონების ნაცვლად [[M1918 Browning Automatic Rifle|ბრაუნინგის ავტომატური შაშხანების]] გამოყენება დაიწყეს.