მოსინის შაშხანა: განსხვავება გადახედვებს შორის

'''მოსინის შაშხანა''' ({{lang-ru|винтовка Мосина}}) ასევე ცნობილი, როგორც '''1891 წლის სამხაზიანი შაშხანა,''' დასავლურ სამყაროში კი, როგორც '''მოსინ-ნაგანის შაშხანა''' — 5-ვაზნიანი ტევადობის ფიქსირებული მჭიდის მქონე გრძივმოძრავსაკეტიანი ხელით გადასატენი საბრძოლო შაშხანა, რომელიც, ძირითადად, [[7,62×54 მმ R]] ვაზნებს იყენებს. შემუშავებულია რუსი კაპიტნის სერგეი მოსინის მიერ, რომელმაც შაშხანას ბელგიელი ძმების, ემილ და ლეონ ნაგანების, შემუშავებული მჭიდი დაუყენა.

 

მოსინის შაშხანა შემუშავებულია 1882-დან 1891 წლამდე პერიოდში და გამოიყენებოდა [[რუსეთის იმპერია|რუსეთის იმპერიის]], მოგვიანებით [[საბჭოთა სოციალისტური რესპუბლიკების კავშირი|საბჭოთა კავშირისა]] და სხვა ქვეყნების მიერ. ის არის მსოფლიოში ერთ-ერთი ყველაზე დიდი რაოდენობით წარმოებული ხელით გადასატენი შაშხანა, ვინაიდან 1891 წლიდან მოყოლებული 37 მილიონზე მეტი ერთეულია გამოშვებული. მიუხედავად სიძველისა, მოსინის შაშხანა დღემდე აგრძელებს სხვადასხვა შეიარაღებულ კონფლიქტში გამოჩენას.

 

არსებობს მოსინის შაშხანის ბევრი ვარიანტი, მათ შორის სხვა ქვეყნებში, მაგალითად, ფინეთში ნაწარმოები მოსინები. ლეგენდარული ფინელი სნაიპერი [[სიმო ჰაიჰა]] [[სსრკ-ფინეთის ომი|ზამთრის ომში]] წითელი არმიის წინააღმდეგ სწორედ ფინურ მოსინს იყენებდა.

 

მეორე მსოფლიო ომის შემდეგ სიზუსტისა და საიმედოობის გამო მოსინის შაშხანა მონადირეებისა და კოლექციონერებისთვის სასურველი იარაღი გახდა და ხშირად გვხვდება სამოქალაქო პირების მფლობელობაში, როგორც სანადირო იარაღი.