მეწყერი: განსხვავება გადახედვებს შორის

'''მეწყერი''' — [[მიწა|მიწის]] მასების ან ქანების ფენის მოწყვეტა და გადაადგილება [[მთა|მთის]] კალთაზე ან ფერდობზე სიმძიმის ძალის გავლენით. მეწყერი უფრო ხშირად იქ წარმოიქმნება, სადაც წყალშემკავებელი (თიხოვანი) და წყლიანი (მაგ:., ქვიშა-ხრეშიანი) ქანები ერთმანეთს ენაცვლება და შრეთა დაქანება კალთის დაქანების თანხვედრილია. მეწყერის მიზეზია ქანების წონასწორობის დარღვევა, რასაც იწვევს ფერდობის ძირის გამორეცხვა, [[გამოფიტვა|გამოფიტვის]] ან გადამეტტენიანების გამო [[ქანი (გეოლოგია)|ქანების]] სიმტკიცის შესუსტება, [[სეისმოლოგია|სეისმური]] ბიძგები, ადამიანის სამეურნეო საქმიანობა ადგილის [[გეოლოგია|გეოლოგიური]] პირობების გაუთვალისწინებლად და სხვ. მეწყერი დიდ ზიანს აყენებს სახალხო მეურნეობას. მასთან ბრძოლის ეფექტიანი საშუალებაა მთის კალთების გატყიანება, საინჟინრო ნაგებობებით გამაგრება, დრონაჟი და სხვა.