'''ალგეთი'''<ref>{{სგსოლ|1517|სსრსრ}}</ref> — [[მდინარე]] აღმოსავლეთ საქართველოში, [[თეთრიწყაროს მუნიციპალიტეტი|თეთრიწყაროსა]] და [[მარნეულის მუნიციპალიტეტი|მარნეულის მუნიციპალიტეტებში]]. სიგრძე 108 კმ, აუზის ფართობი 763 კმ². სათავე აქვს [[თრიალეთის ქედი|თრიალეთის ქედის]] სამხრეთ კალთაზე, კლდეკარის კლდეების მახლობლად (ზღვის დონიდან 1900 მ). ზემოწელში მიედინება სამხრეთ-აღმოსავლეთისაკენ ღრმა, ტყიან, ხოლო სოფელ [[ტბისი]]დან — ვიწრო, კლდოვან ხეობაში, [[მარნეული|მარნეულთან]] კი გამოდის ვაკეზე [[მტკვარი|მდინარე მტკვარს]] ერთვის მარჯვნიდან, სოფელ [[ქესალო]]ს მახლობლად. საზრდოობს წვიმის, თოვლისა და მიწისქვეშა წყლით. წლიური ჩამონადენის დაახლოებით 45%-ს შეადგენს წვიმის, 25%-ს — თოვლის, 30%-ს მიწისქვეშა წყალი. წყალდიდობა გაზაფხულზე და ზაფხულის დამდეგს იცის, წლის სხვა დროს წყალმცირეა. ჩამონადენის მინიმუმი ოქტომბერშია. გაზაფხულზე მოდის წლიური ჩამონადენის თითქმის 48,1% ზაფხულზე — 32,4%, ზამთარში — 11,6%, შემოდგომაზე — 7,9%.
