საქართველოს მიწის მესაკუთრეთა ეროვნული პარტია: განსხვავება გადახედვებს შორის

ეროვნულ-დემოკრატთაგან გამოყოფის მიზეზი გახდა [[საქართველოს ეროვნული საბჭო|საქართველოს ეროვნულ საბჭოში]] ედპ-ის საპარლამენტო ფრაქციის რეორგანიზაცია. მსოფლმხედველობრივად როგორც ედპ, ისე მისგან გამოყოფილი ნაციონალ-დემოკრატები ერთსა და იმავე საფუძველზე იდგნენ, სხვაობა უმთავრესად ტაქტიკურ საკითხებში შეიმჩნეოდა. დამოუკიდებელი ნაციონალ-დემოკრატები იცავდნენ ქართველ მიწათმოქმედთა — სოფლის მეურნეთა და მიწის მესაკუთრეთა — ინტერესებს. პარტიის პირველადი ორგანიზაციები საქართველოს თითქმის ყველა კუთხეში მოქმედებდა. 1919 წლის თებერვალში [[საქართველოს დამფუძნებელი კრების არჩევნები|დამფუძნებელი კრების არჩევნბში]] პარტიამ ცალკე მიიღო მონაწილეობა '''ეროვნული პარტიის''' სახელწოდებით. ის არჩევნებში მე-8 ნომრით იღებდა მონაწილეობას და 25-კაციანი სია ჰქონდა წარდგენილი. მიიღო 1532 ხმა და სადეპუტატო მანდატის მოპოვება ვერ შეძლო. 1919 წლის სექტემბერში გამართულ დამატებით არჩევნებში პარტიამ მიიღო 7300-ზე მტი ხმა დადამფუძნებელი კრების წევრი გახდა გრიგოლ ვეშაპელი. 1920 წლის მაისის დამატებით არჩევნებში კი — შალვა ქარუმიძე.

 

 

1921 წლის იანვარში მიწის მესაკუთრეთა ეროვნული პარტია [[საქართველოს რადიკალ-დემოკრატიულ გლეხთა პარტია|რადიკალ-დემოკრატიულ გლეხთა]], ედპ-სა და უპარტიოთა კავშირთან ერთად საქართველოს დემოკრატიულ პარტიაში გაერთიანდა.