ირემი: განსხვავება გადახედვებს შორის

'''ირემი''' ({{lang-la|Cervus}}) — [[წყვილჩლიქოსნები|წყვილჩლიქოსან]] ცხოველთა გვარი [[ირმისებრნი|ირმისებრთა]] ოჯახისა. თითო რქაზე შეიძლება 10-ზე მეტი ტოტიც ჰქონდეს. კისერზე მოკლე ფაფარი აქვს. ნუკრი ხალებიანია, მოზრდილი — ერთფერი. კუდის არეში აქვს სხვადასხვა სიდიდის „სარკე“. გავრცელებულია ევროპის, აზიის (უმთავრესად სამხრეთ და სამხრეთ-აღმოსავლეთის ნაწილის), ჩრდილოეთ ამერიკის ტყეეებში. აერთიანებს 6 ქვეგვარის 13-14 სახეობას. [[საქართველო]]ში გვხვდება [[კეთილშობილი ირემი]]. ნახევრად მოშინაურებული ირმების ნორჩ რქებს — პანტებს იყენებენ პანტოკრინის დასამზადებლად. სანადირო და სარეწაო ცხოველებია, თუმცა, მცირე რაოდენობის გამო, [[ნადირობა]] უმთავრესად აკრძალულია (მაგ., [[საქართველო]]ში — [[კეთილშობილი ირემი|კეთილშობილ ირემზე]]),<ref>{{Cite web |url = http://matsne.gov.ge/ka/document/view/97288?publication=0 | title = საქართველოს „წითელი ნუსხის“ დამტკიცების შესახებ | publisher = ''matsne.gov.ge'' | date = 2 მაისი, 2006 | accessdate = 10 თებერვალი, 2021}}</ref> აკლიმატიზებულია [[ახალი ზელანდია|ახალ ზელანდიაში]], [[სამხრეთ ამერიკა]]ში და სხვა.