თრთვილი: განსხვავება გადახედვებს შორის

'''თრთვილი''' — [[ყინული]]ს წვრილი კრისტალები, რომელიც წარმოიქმნება ღამით დედამიწის ზედაპირის 0°C-ზე დაბლა რადიაციული გაცივებისას. ამ დროს წყნარ ამინდში [[ნიადაგი]]ს, [[ბალახი]]სა და სხვა საგნების მიმდებარე ჰაერის ფენის [[ტემპერატურა]] იმდენად ეცემა, რომ წარმოიქმნება ხელსაყრელი პირობა მათ ზედაპირზე ჰაერში მყოფი [[წყლის ორთქლის სუბლიმაცია|წყლის ორთქლის სუბლიმაციისათვის]]. თრთვილი გამოიყოფა [[თოვლითოვლის ფიფქი]]ს ფიფქის მსგავსი [[ყინული]]ს კრისტალების სახით.<ref name="bigenc">[https://bigenc.ru/geography/text/2011297 Иней | Большая российская энциклопедия]</ref>

თრთვილის კრისტალებს სუსტი ყინვებისას აქვთ ექვსწახნაგა პრიზმის, ზომიერი ყინვებისას ფირფიტის, ხოლო ძლიერი ყინვებისას ბლაგვი ნემსის ფორმა. თრთვილის წარმოქმნისათვის ყველაზე ხელსაყრელია დაბალი ტემპერატურაგამტარობის მქონე ნათელი წყნარი ღამეები და სხეულის ხორკლიანი ზედაპირები. ძლიერი [[ქარი]] აბრკოლებს თრთვილის წარმოქმნას, თუმცა სუსტი ქარი, რომელიც იწვევს ნოტიო ჰაერის ყველა ახალი მასის ცივ ზედაპირთან ურთიერთშეხებას პირიქით, ხელს უწყობს თრთვილის წარმოშობას.<ref name="Гс">Гляциологический словарь / Под ред В. М. Котлякова. — Л.: Гидрометеоиздат, 1984. — 528 с.</ref>

ხალხში და მხატვრულ ლიტერატურაში კრისტალურ [[ჭირხლი|ჭირხლს]] ხშირად თრთვილს უწოდებენ, რაც შეცდომაა და იმისათვის, რომ არ აგვერიოს ცნებები, უნდა აღინიშნოს, რომ თრთვილი არ წარმოიქმნება ძაფისებრ ზედაპირებზე. თრთვილის ნაწილაკები თოვლის ფიფქებს წააგავს, თუმცა მისგან ნაკლებად სწორი ფორმით განირჩევა.<ref name="bigenc" /><ref name="Гс" />