'''სელაპი''' — [[ფარფლფეხიანები]]ს [[რიგი (ბიოლოგია)|რიგის]] [[ძუძუმწოვრები]]ს ორი [[ოჯახი (ბიოლოგია)|ოჯახის]] — [[ნამდვილი სელაპები]]ს და [[ყურებიანი სელაპები]]ს საერთო სახელწოდება.
ნამდვილ სელაპებს (Phocidae) ყურის ნიჟარები არ გააჩნიათ, მათი ორივე წყვილი კიდური გარდაქმნილია ფარფლებად და ბრჭყალებით ბოლოვდება. უკანა [[ფარფლები]] უკნისაკენაა მიმართული და წყალში სამოძრაო აპარატს წარმოადგენს. აერთიანებს 12 [[გვარი (ბიოლოგია)|გვარი]]ს 20-მდე [[სახეობა]]ს. ფართოდ არიან გავრცელებული; განსაკუთრებით ბევრია პოლარული წრის განედებში.
[[ყურებიანი სელაპები|ყურებიან სელაპებს]] (Otariidae) ყურის პატარა ნიჟარები აქვთ, მათი წინა ფარფლები მოკლებულია ბრჭყალებს, უკანა ფარფლები წინისაკენ მოიკეცება და, ისე როგორც წინა ფარფლები, წარმოადგენს სხეულის საყრდენს ხმელეთზე მოძრაობისას. გავრცელებული არიან ორივე ნახევარსფეროს [[ზომიერი სარტყელი|ზომიერ სარტყელში]]: [[ჩრდილოეთი ნახევარსფერო|ჩრდილოეთ ნახევარსფეროში]] მხოლოდ [[წყნარი ოკეანე|წყნარ ოკეანეში]], სამხრეთში — ყველა ოკეანეში. მათ განეკუთვნება [[ზღვის ლომი|ზღვის ლომები]] (5 გვარი 5 სახეობით) და [[ზღვის კატა|ზღვის კატები]] (2 გვარის 6 ან 9 სახეობა).
