პოლემიკა: განსხვავება გადახედვებს შორის

'''პოლემიკა''', — ძველი ქართული მწერლობის დარგი. მისი წარმოშობა დაკავშირებულია ქრისტიანული რელიგიის საბოლოო გამარჯვებიასთან. პოლემიკის მიზანი იყო არაქრისტიანული რელიგიათა და თვით ქრისტიანობის წიაღში წარმოშობილ მწვალებლურ მოძღვრებათა გაბათილება, მათი სიყალბის გამოაშკარავება და მართლმადიდებლური დოგმების დამტკიცება. ნათარგმნი (უმთავრესად ბერძნული ენიდან) პოლემიკური ლიტერატურა ძირითადად თავმოყრილია [[არსენ იყალთოელი]]ს მიერ XII საუკუნის I ნახევარში შედგენილ კრებულ „დოგმატიკონში“ და [[1541]] წელს გადაწერილი ხელნაწერში (ხელნაწერთა ინსტიტუტი, S-312). სხვადასხვა ქართულ ხელნაწერში გვხვდება აგრეთვე [[გრიგოლ ნაზიანზელი]]ს, [[აპოლინარიოს ლაოდიკიელი]]ს, [[იოანე ოქროპირი]]ს, [[მაქსიმე აღმსარებელი|მაქსიმე აღმსარებლის]], [[იოანე დამასკელი]]სა და სხვათა პოლემიკური თხზულებების თარგმანებიც.