'''ტიფლისსკი კრუჟოკ''' — [[თბილისი]]ს არტისტული, კულტურულ-საქველმოქმდო წრე. დაარსდა [[1857]] წელს. არქიტექტორი გ. ივანოვის პროექტით აშენდა ორსართულიანი შენობა (ახლანდელი შოთა რუსთაველის გამზირი 16), რომელიც რომელიც ეკუთვნოდა მოქალაქე შიოევს. ეს სახლი იჯარით აიღო „ტიფლისსკი კრუჟოკმა“, რომელიც აქ მართავდა მეჯლისებს, ლექციებს, საღამო-კონცერტებს,. [[1875]] წლის [[28 იანვარი|28 იანვარს]] ჩატარდა [[ალექსანდრე გრიბოედოვი|ა. გრიბოედოვის]] ხსოვნის ლიტერატურული საღამო. იმავე წელს მოიწვიეს [[პეტერბურგის უნივერსიტეტი]]ს პროფესორი ი. თარხნიშვილი ლექციის ჩასატარებლად. საქველმოქმედო საღამო-მეჯლისებიდან შემოსული ფულადი თანხები ეგზავნებოდა ქართულ დრამატულ საზოგადოებას, პროგიმნაზიის ღარიბ მოწაფეებს, სათავადაზნაურო სკოლას და სხვ. [[1912]]-[[1916]] წლებში შენობა გადაკეთდა და რეკონსტრუქციის შედეგად დღევანდელი სახე მიიღო. [[1917]]-[[1928]] წლებში შენობაში იყო [[თბილისის პოლიტექნიკური ინსტიტუტი]]ს ნაწილი. შემდგომში იგი გადაეცა [[წითელი არმია|წითელ არმიას]] და დაარსდა [[ამიერკავკასია|ამიერკავკასიის]] წითელდროშოვანი სამხედრო ოლქის მეთაურთა სახლი.
