ბელოთი: განსხვავება გადახედვებს შორის

ბელოთის მთის ქვემოთ არის ნასოფლარი ბოლოთანი, სადაც ბოლოთაშვილები ცხოვრობდნენ. აქედანაა წარმოშობილი სოფლის დღევანდელი სახელწოდება. ადგილობრივების თქმით, არსებობს სხვა მოსაზრებაც: ტოპონიმი სიტყვა ბელი-დან წარმოიშვაო (ბელ-ეთ-ი – ბელ-ოთ-ი მიუთითებს ბელების, [[დათვი|დათვების]] სიმრავლეზე). სოფელი გარშემორტყმულია ტყეებით, სადაც უამრავი გარეული ნადირია და ეს მოსაზრებაც არაა უსაფუძვლო.<ref name=":020">{{სტატია|სათაური=პატარა ლიახვის ხეობა|გამოცემა=ლიახვის ხეობა|სახეობა=ჟურნ.|წელი=დეკემბერი, 2020|ნომერი=9|გვერდები=29–30|ადგილი=თბ.|გამომცემლობა=„კოლორი“}}</ref>

ბელოთი ჯერ [[ქსნის საერისთავო|ქსნის ერისთავის]], ხოლო შემდეგ საუფლისწულო რეზიდენცია იყო. [[იულონ ბატონიშვილი|იულონ ბატონიშვილმა]] აქ სასახლე ააგო და მის გარშემო ბაღიც გააშენა. ამ ბაღის მსხვილი ჯიშის [[კაკალი]] ხეობაში დღემდეა ცნობილი. [[XIX საუკუნე|XIX საუკუნეში]] [[რუსეთის იმპერია|რუსებს]] აქ [[არტილერია|საარტილერიო]] დანადგარები განულაგებიათ. სოფლის სტრატეგიულ მნიშვნელობაზე მიუთითებს ისიც, რომ მასზე გადიოდა [[აღმოსავლეთი საქართველო|აღმოსავლეთ]] და [[დასავლეთი საქართველო|დასავლეთ საქართველოს]] დამაკავშირებელი უმოკლესი გზა. [[კახეთი|კახეთიდან]] გამომგზავრებული ცნობილი მოგზაური [[იოჰან გიულდენშტედტი]] ბელოთისა და [[ვანათი (ერედვის მუნიციპალიტეტი)|ვანათის]] გავლით გადავიდა [[სამაჩაბლო|სამაჩაბლოში]], იქიდან კი [[იმერეთი|იმერეთში]]. [[პატარა ლიახვი|პატარა ლიახვის]] ხეობა მრავალგზის ყოფილა [[მონღოლთა იმპერია|მონღოლ]]-[[სპარსეთის იმპერია|სპარს]]-[[ლეკიანობა|ლეკთა]] თავდასხმის ობიექტი. [[ერეკლე II|მეფე ერეკლე]] და მისი ვაჟები აქტიურად იცავდნენ ხეობის სოფლებს. ერთ-ერთ წერილში [[დარეჯან დედოფალი]] იულონ ბატონიშვილს ურჩევდა, რომ ბელოთიდან აყრილიყო ცოლ-შვილით და [[გორი|გორში]] გადასულიყო.<ref name=":0">{{სტატია|სათაური=პატარა ლიახვის ხეობა|გამოცემა=ლიახვის ხეობა|სახეობა=ჟურნ.|წელი=დეკემბერი, 2020|ნომერი=9|გვერდები=29|ადგილი=თბ.|გამომცემლობა=„კოლორი“}}</ref>