ტყუპები: განსხვავება გადახედვებს შორის

'''ტყუპები''', ''მარჩვიბი'' — [[ძუძუმწოვრები]]სა და [[ადამიანი]]ს ორი ან მეტი [[ნაშიერი]] ([[ბავშვი]]). ტყუპები ჩნდებიან თითქმის ერთდროულად ერთი [[დედა|დედისგან]]. არსებობს ტყუპების ორი ტიპი: ერთკვერცხისეული იდენტური და სხვადასხვაკვერცხისეული არიდენტური. არაიდენტური (სხვადასხვაკვერცხისეული) ტყუპები დროს ნაყოფიერდება 2 ან მეტი კვერცხუჯრედი; ამათგან თითეული დამოუკიდებელ [[ორგანიზმი|ორგანიზმად]] ვითარდება. ჩანასახის ნაწილების არასრული დაცილების დროს ვითარდებიან [[ტერატოლოგია|სიამის ტყუპები]]. იდენტურ (ერთკვერცხისეულ) [[უჯრედი|უჯრედებს]] აქვთ საერთო [[პლაცენტა]], ერთნაირი [[გენოტიპი]], ყოველთვის ერთი [[სქესი]]სანი არიან, აქვთ [[სისხლი]]ს ერთი და იგივე [[სისხლის ჯგუფი|ჯგუფი]] და ძალიან ჰგვანან ერთმანეთს. სხვადასხვაკვერცხისეული ტყუპების წარმოშობა შესაძლებელია ორი ან მეტი კვერცხუჯრედის ერთდროულად მომწიფების შემთხვევაში. ისინი შეიძლება იყვნენ როგორც განსხვავებული, ისე ერთი სქესისანი, ერთმანეთს ისე ჰგვანან, როგორც ჩვეულებრივი და-ძმა. ერთკვერცხისეულ ანუ იდენტურ ტყუპებს ერთნაირი გემოვნება, ჩვევები მისწრაფებები აქვთ. უპირატესობას ერთსა და იმავე ტანსაცმელს, თმის ვარცხნილობას ანიჭებენ. მოსწონთ ერთი და იგივე წიგნი, სპექტაკლი. იმ შემთხვევაში თუ მათ დაბადებისთანავე ერთმანეთს დააშორებენ და ცალ ცალკე გაიზრდებიან ხშირად ერთსა და იმავე პროფესიას ირჩევენ, ერთი და იმავე დაავადებით და თითქმის ერთდროულად ავადდებიან.