ლაშარის ჯვრის ნიში

ლაშარის ჯვრის ნიში — საკულტო ძეგლი თიანეთის მუნიციპალიტეტის სოფელ ჟებოტას ნასოფლარ იხინჭის მიდამოებში, მშრალი ხევის მარჯვენა ნაპირზე. განეკუთვნება გვიანდელ შუა საუკუნეებს. ნაგებია მოზრდილი ზომის ნატეხი ქვით, გეგმით თითქმის კვადრატული. მასიური ნაგებობის სამხრეთ-აღმოსავლეთ და ჩრდილო-აღმოსავლეთ წახნაგებში თითო სწორკუთხა ნიშია. სახურავი ქვისაა, ორფერდა.

სალოცავს შემოვლებული აქვს ნატეხი ქვით ნაგები დაბალი გალავანი.

ლიტერატურა

• რამიშვილი რ.; ჯორბენაძე ბ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 399-400.