'''ორხევის პირველი ეკლესია''' — არქიტექტურული ძეგლი [[თიანეთის მუნიციპალიტეტი|თიანეთის მუნიციპალიტეტის]] სოფელისოფელ [[ორხევი (თიანეთის მუნიციპალიტეტი)|ორხევის]] განაპირას, სასაფლაოზე. აგებულია [[XIX საუკუნე|XIX საუკუნის]] დასასრულს. ეკლესია დარბაზულია, ნაგებია [[აგური|აგურითა]] და ნატეხი ქვით. დაზიანებულია: ჩანგრეულია გადახურვა, მორღვეულია ჩრდილო და სამხრეთ კედლების ზედა ნაწილები. დასავლეთ კედელში გაჭრილია თაღოვანი კარი, აფსიდში გარეთკენ შევიწროვებული მაღალი თაღოვანი სარკმელია. შენობის დასავლეთ კედელზე დადგმულია აგურით ნაგები ოთხწახნაგოვანი [[სამრეკლო]], რომელიც ოთხივე მხარეს თითო თაღითაა გახსნილი, შიგნით სამრეკლო გუმბათითაა გადახურული, ხოლო გარედან საფეხურებიანი პირამიდული სახურავი აქვს.
