'''ატლანტის ოკეანე''' [[დედამიწა|დედამიწის]] სიდიდით მეორე წყლის აუზია და მისი ზედაპირის ერთ-მეხუთედს ფარავს. ოკეანის სახელი წარმოშობით [[ბერძნული მითოლოგია|ბერძნული მითოლოგიიდან]] არის და „ატლასის ზღვას“ ნიშნავს.<ref>{{cite web|title=ატლანტის ოკეანე |url=http://www.ice.ge/web/122/_3.html |website=[http://www.ice.ge არნოლდ ჩიქობავას სახელობის ენათმეცნიერების ინსტიტუტი]|accessdate=26 ოქტომბერი, 2020 |quote=ატლანტის ოკეანე სიდიდით მეორე წყლის აუზია დედამიწაზე და მისი ზედაპირის ერთ მეხუთედს ფარავს. ოკეანის სახელი წარმოშობით ბერძნული მითოლოგიიდანაა და „ატლასის ზღვას“ ნიშნავს. მისი ფართობია 93 მლნ. კმ2 (დედამიწის ზედაპრის დაახლოებით 20%), მაქსიმალური სიღრმე აღწევს 9220 მეტრს (კუნძულ პუერტო-რიკოს ჩრდილოეთით). ატლანტის ოკეანის საშუალო სიღრმე 3926 მეტრია. ოკეანის შუა ნაწილში მდებარეობს შუა ატლანტური წყალქვეშა ქედი, რომლის ოკეანისზედა უმაღლეს მწვერვალებს აზორისა და ამაღლების კუნძულები წარმოადგენს. ქედის ორივე მხარეს ღრმაწყლიანი ქვაბულებია განლაგებული.}}</ref><ref>{{cite web|title=ატლანტის ოკეანე ზომაში იზრდება - მკვლევართა თქმით, სიტუაცია საგანგაშოა |url=https://1tv.ge/news/atlantis-okeane-zomashi-izrdeba-mkvlevarta-tqmit-situacia-sagangashoa/ |website=[https://1tv.ge საზოგადოებრივი მაუწყებელი]|accessdate=26 ოქტომბერი, 2020 |quote=გლობალური ოკეანის ერთ-ერთი ყველაზე სწრაფად თბობადი რეგიონების შემსწავლელ მეცნიერთა განცხადებით, ამ რეგიონში ცვლილებები იმდენად ვრცელი და უცაბედია, რომ მალე ატლანტის ოკეანეს დამატებითი „კიდური“ გაუჩნდება, ჩრდილოეთის ყინულოვან ოკეანეში. ბარენცის ზღვისა და სკანდინავიის ჩრდილოეთ ნაწილები, ასევე სვალბარდის არქიპელაგის აღმოსავლეთი ნაწილი უკიდურესად სწრაფად თბება. 2000 წლიდან დღემდე, ტემპერატურამ იქ 1,5°C-ით მოიმატა და დედამიწის ყველაზე სწრაფად თბობად რეგიონად იქცა. }}</ref>
ოკეანეს წაგრძელებული ლათინური S-ის მაგვარი ფორმა აქვს, ჩრდილოეთი-სამხრეთის მიმართულებით არის გადაჭიმული და ეკვატორიული ურთიერთსაპირისპირო დინებით 8° ჩრდილოეთის გრძედთან იყოფა ჩრდილო და სამხრეთ ატლანტიკებად. დასავლეთით ესაზღვრება ამერიკის კონტინენტებს, ხოლო აღმოსავლეთით — ევროპასა და აფრიკას. [[წყნარი ოკეანე|წყნარ ოკეანეს]] უკავშირდება [[არქტიკის ოკეანე|არქტიკის ოკეანით]] ჩრდილოეთში და [[დრეიკის სრუტე|დრეიკის სრუტით]] სამხრეთში. ეს ორი ოკეანე ხელოვნურად ასევე დაკავშირებულია [[პანამის არხი]]თ. აღმოსავლეთით ატლანტისა და [[ინდოეთის ოკეანე|ინდოეთის ოკეანის]] გამყოფია 20° აღმოსავლეთის მერიდიანი, რომელიც აგულას კონცხიდან სამხრეთით ანტარქტიკისკენ მიერმართება. ატლანტიკას არქტიკის ოკეანისგან ჰყოფს ხაზები [[გრენლანდია]]სა და ჩრდილოდასავლეთ [[ისლანდია]]ს შორის, ჩრდილოაღმოსავლეთ ისლანდიასა და [[შპიცბერგენი]]ს უკიდურეს სამხრეთ წერტილებს შორის და შემდეგ ჩრდილოეთის კონცხსა და ჩრდილოეთ [[ნორვეგია]]ს შორის.
