საურმაგი: განსხვავება გადახედვებს შორის

'''საურმაგი''' — [[იბერია|ქართლის (იბერიის)]] მეფე, [[ფარნავაზ I|ფარნავაზის]] ძე. ქართული საისტორიო ტრადიციის თანახმად, მეფობდა [[ძვ. წ. III საუკუნე]]ში. ქართული წყაროების მიხედვით, ჩრდილო კავკასიელი ტომებისა და სხვა უცხოელთგან შემდგარი სამხედრო რაზმების დახმარებით ჩააქრო ქართლის ერისთავთა აჯანყება. საურმაგს მიეწერება აგრეთვე [[ჩრდილო კავკასია|ჩრდილო კავკასიიდან]] [[კავკასიელი ხალხები|კავკასიელ ტომთა]] მნიშვნელოვანი მასის გადმოსახლება საქართველოს მთიანეთში. მის დროს ქართლის სამეფოს მეგობრული დამოკიდებულება უნდა ჰქონოდა სელევკიდების სამეფოსთან. „ქართლის ცხოვრება“ საურმაგს მიაწერს ორი ქალღმერთის - [[აინინა და დანინა|აინინასა და დანინას]] კულტის დამკვიდრებას და მცხეთის გზაზე მათი კერპების აღმართვას.