სვეტიცხოველი: განსხვავება გადახედვებს შორის

 

== ისტორია ==

 

[[1970]]-[[1971]] წლებში სარემონტო-სარესტავრაციო სამუშაოთა ჩატარების დროს (ხელმძღვანელი არქიტექტორი ვ. ცინცაძე) მიკვლეულ იქნა მისი საძირკვლის კვალი. ასევე მთლიანად შემოიხაზა იმ ბაზილიკის გეგმა, რომელიც აქვე ააშენა, წმ. ნინოს ეკლესიის დანგრევის შემდეგ, [[ვახტანგ გორგასალი|ვახტანგ გორგასალმა]] V საუკუნის II ნახევარში. XI საუკუნეში დაზიანებული ბაზილიკის ადგილზე ქართლის კათოლიკოსმა [[მელქისედეკ I|მელქისედეკმა]] ახალი ტაძარი ააგო. მან ხუროთმოძღვრად [[არსუკისძე]] მიიწვია. მშენებლობა [[1010]] წელს დაიწყო და [[1029]] წელს დამთავრდა. თავისი არსებობის მანძილზე სვეტიცხოველი არაერთხელ გადაკეთებულა. [[1283]] წელს ტაძარი მიწისძვრამ დააზიანა. XIV საუკუნეში [[გიორგი ბრწყინვალე]]მ აღადგინა ტაძრის გუმბათი. იმავე საუკუნის ბოლოს „იავარჰყვეს სპათა ლანგ-თემურისათა“ — მოანგრიეს დასავლეთის მკლავის ბურჯები, დააქციეს გუმბათის ყელი, მაგრამ მთელი ნაგებობის დანგრევა მაინც ვერ შესძლეს. XV საუკუნის დასაწყისში მეფე [[ალექსანდრე I დიდი|ალექსანდრე დიდმა]] ტაძარი კაპიტალურად შეაკეთებინა. [[1656]] წელს [[როსტომი (ქართლის მეფე)|როსტომ მეფისა]] და [[მარიამ დადიანი|მარიამ დედოფლის]] თაოსნობით კვლავ აღადგინეს გუბათის ყელი.