გრიგოლ რცხილაძე: განსხვავება გადახედვებს შორის

[[ილია ჭავჭავაძე|ილია ჭავჭავაძის]] გარდაცვალების წლისთავზე, [[1908]] წლის 3 სექტემბერს გაიმართა მწრალთა საზოგადოების დამფუძნებელი კრება, რომელმაც აირჩია „სიტყვაკაზმული მწერლობის საზოგადოების“ საბჭო შემდეგი შემადგენლობით: გრიგოლ რცხილაძე (თავმჯდომარე), [[იროდიონ ევდოშვილი]], [[შიო არაგვისპირელი]], [[კოტე მაყაშვილი]], [[ილია ზურაბაშვილი]], საპატიო წევრად [[აკაკი წერეთელი]]. საბჭომ გ. რცხილაძეს რედაქტორობით გამოსცა ლიტერატურული კრებული „გრდემლი“, ბესიკის ნაწარმოებები და სხვა მრავალი. [[1906]]-[[1907]] წლებში იგი რედაქტორობდა ეროვნულ-დემოკრატიული მიმართულების გაზეთს „მეგობარს“, [[1909]]-[[1914]] წლებში „სახალხო გაზეთის“ თანარედაქტორია. იყო აგრეთვე „ქართველთა შორის წერა-კითხვის გამავრცელებელი საზოგადოების“ წევრი, სოციალისტ-ფედერალისტთა პარტიის ერთ-ერთი ლიდერი, უნივერსიტეტის დაარსების საზოგადოების გამგეობის წევრი, შემდეგ იურიდიული ფაკულტეტის ერთ-ერთი დამფუძნებელი. ბოლო წლებში მუშაობდა სხვადასხვა დაწესებულებებში იურისკონსულად. [[1924]]-[[1925]] წლებში დაპატიმრებული იყო [[საქართველოს დამოუკიდებლობის კომიტეტი]]ს საქმესთან დაკავშირებით. სასამართლომ მას შეუფარდა 3-წლიანი პატიმრობა, თუმცა, როგორც საბჭოთა ხელისუფლებისთვის არასაშიში პირი, სასჯელისგან გაათავისუფლა.