ნაგიბ მაჰფუზი: განსხვავება გადახედვებს შორის

მაჰფუზის ნამუშევრები [[XX საუკუნე]]ში ეგვიპტის განვითარებას შეეხება და აღწერს, თუ როგორ აისახებოდა დასავლური და აღმოსავლური სამყაროების კულტურული და ინტელექტუალური გავლენა ეგვიპტელ ხალხზე. მწერალი საზღვარგარეთულ ლიტერატურას ბავშვობიდანვე დიდი ენთუზიაზმით ეცნობოდა. იგი ინტერესით კითხულობდა დასავლურ დეტექტივებს და რუს კლასიკოსებს, აგრეთვე თანამედროვე მწერლებსაც ეცნობოდა, რომელთა შორის იყვნენ [[მარსელ პრუსტი]], [[ფრანც კაფკა]] და [[ჯეიმს ჯოისი]]. მაჰფუზის მოთხრობებში მოქმედება თითქმის ყოველთვის კაიროს პოპულარულ უბნებში ხდება, სადაც მისი პერსონაჟები, რომლებიც ძირითადად უბრალო ადამიანები არიან, ცდილობენ ფეხი აუწყონ საზოგადოების მოდერნიზაციას. მწერალი დასავლური ღირებულებების მიმართ მათ დამოკიდებულებას აღწერს.<ref name="aucp"/>

 

 

ასევე პოპულარობით სარგებლობს მაჰფუზის 1966 წლის რომანი ''„ნილოსის დინება“'', რომელიც [[გამალ აბდელ ნასერი|გამალ ნასერის]] მმართველობის პერიოდში ეგვიპტური საზოგადოების დეკადანსს აკრიტიკებს. რომანი ეგვიპტის მესამე პრეზიდენტმა, [[ანვარ ალ-სადათი|ანვარ ალ-სადათმა]] პრეზიდენტ ნასერის მხარდამჭერთა მხრიდან პროვოკაციის თავიდან ასარიდებლად აკრძალა. რომანის მიხედვით ეგვიპტელმა [[რეჟისორი|რეჟისორმა]], ჰუსეინ კამალმა 1971 წელს ფილმი გადაიღო.

 

 

1960-იან წლებში მაჰფუზმა თავის ეგზისტენციალურ რომანებში კიდევ უფრო განავითარა კაცობრიობის ღმერთისგან დაშორების თემა. 1961 წლის რომანი ''„ქურდი და ძაღლები“'' [[მარქსიზმი]]ს მიმდევარი ქურდის ბედისწერაზეა, რომელიც ციხიდან გამოვიდა და შურისძიებას გეგმავს.<ref name="aucp"/>