|
}}
'''ფასკუნჯი''' (Neophron percnopterus) — [[ფრინველი]] [[შავარდნისნაირნი|შავარდნისნაირთა]] [[რიგი (ბიოლოგია)|რიგის]] [[ქორისებრნი|ქორისებრთა]] [[ოჯახი (ბიოლოგია)|ოჯახისა]]. მისი სხეულის სიგრძეა 60–70 [[სმ]], ფრთების შლილი 155–180 სმ, მასა 1,6–2,2 [[კგ]]. ზრდასრული ფრინველი თეთრია, აქვს შავი მომქნევი [[ბუმბული|ბუმბულები]], რომლებიც მკვეთრადაა გამიჯნული ფრთის დანარჩენი ნაწილისაგან, გრძელი და ვიწრო [[ნისკარტი]], რომბისებური კუდი. სახე შეფერილია ყვითლად და შეუბუმბლავია. ნისკარტიცნისკარტი მოყვითალოა, მუქი წვერით. ფრთები ვიწრო. ფეხები სუსტი, მოვარდისფრო. თვალის ფერადი გარსი მუქი. ნესტოები განლაგებულია გრძივად. ახალგაზრდა ფრინველი მოყავისფრო-მორუხოა, ღია ფერის სახითა და ნისკარტით. ზრდასრული შეფერილობას დაახლოებით 5 წელში იღებს. ფრენის დროს სხეულის კონტურით [[ბატკანძერი|ბატკანძერს]] წააგავს, თუმცა, მისგან განსხვავებით, უფრო მოკლე კუდი და შედარებით მოკლე, ნაკლებად წვეტიანი ფრთები აქვს. გავრცელებულია [[სამხრეთ ევროპაშიევროპა]]ში, აფრიკაში, [[სამხრეთ-დასავლეთი აზია|სამხრეთ-დასავლეთ]] და [[შუა აზიაშიაზია]]ში, [[ინდოეთი|ინდოეთში]]; მთებში ადის [[ზღვის დონიდან]] 4500 [[მეტრი|მეტრამდე]]. ზამთარში [[ზომიერი სარტყლები|ზომიერი განედებიდან]] მიგრირებს [[ტროპიკები|ტროპიკებში]]. უმთავრესად იკვებება მძორით[[მძორი]]თ, შეუძლია ძვლების[[ძვლები]]ს, მყესების[[მყესი|მყესები]]ს, ჩლიქების[[ჩლიქები]]ს, ტყავის[[ტყავი]]ს გამხმარი ნაფლეთების ჭამა, იჭერს [[ქვეწარმავლები|ქვეწარმავლებსაც]]. სამხრეთ რაიონებში ეტანება დასახლებებს, თამაშობს მენაგვის როლს; ხშირად იკრიბება დიდ გუნდებად. ბუდობს კლდოვან ნიშებსა და ხელოვნურ გამოქვაბულებში, მიტოვებულ შენობებში, იშვიათად ხეებზე. ზოგჯერ ჰქმნიან რამდენიმე ათეული მობუდარი წყვილისაგან შემდგარ კოლონიებს. დებს 2 კვერცხს. კრუხობს ორივე მშობელი 40 დღის განმავლობაში. ბარტყების გამოკვება 85 დღე გრძელდება. სრულწლოვანებას მე-4–5 წელს აღწევენ, ცოცხლობენ 37 წლამდე. არეალის დიდ ნაწილში ჩვეული ფრინველია. ევროპაში[[ევროპა]]სა და საქართველოში[[საქართველო]]ში იშვიათია, შეტანილია [[IUCN]]-ისა და [[საქართველოს წითელი ნუსხა|საქართველოს წითელ ნუსხებში]].
== რესურსები ინტერნეტში ==
|
