ანგლიკანიზმი: განსხვავება გადახედვებს შორის

'''ანგლიკანობა''' — ქრისტიანობის მესამე მრავალრიცხოვანი მიმდინარეობა (კათოლიციზმისა და მართლმადიდებლობის შემდეგ), რომელიც აერთიანებს 80 მილიონამდე მორწმუნეს (ზოგიერთ ქვეყანაში ანგლიკანური ეკლესია იწოდება [[ეპისკოპალურ ეკლესიად]], მაგალითად ამერიკის შეერთებულ შტატებში,შოტლანდიასა და ფილიპინებში). ანგლიკანობა წარმოიშვა ინგლისში, XVI საუკუნეში, მეფე ჰენრი VIII-ის პერიოდში. მეფე ჰენრი კათოლიციზმის დამცველ პოზიციას ითავსებდა და უფლებას არ აძლევდა პროტესტანტიზმს ინგლისის მიწებზე გავრცელებულიყო, მაგრამ როცა მეფესა და პაპს შორის ურთიერთობა დაიძაბა, მეფე ჰენრი VIII-მ ინგლისის ეკლესია დამოუკიდებლად გამოაცხადა. აქედან იწყება ანგლიკანიზმის წარმოშობა. ანგლიკანურ ეკლესიაში არსებობს სამი ფრთა: მაღალი ეკლესია (ანგლო-კათოლიციზმი - რომის კათოლიციზმთან სიახლოვითა და რიტუალის მრავალრიცხოვნობით გამოირჩევა), დაბალი ეკლესია (იგივე ევანგელიკალური ფრთა, მათთვის დამახასიათებელია რიტუალური მინიმალიზმი) და საშუალო ეკლესია (რომელიც ხიდისა და შემრიგებლის ფუნქციას ასრულებს ამ ორ ფრთას შორის). ანგლიკანთა სიმრავლით გამოირჩევა [[ინგლისი]], [[უელსი]], [[აშშ]], [[კანადა]], [[ავსტრალია]], [[ირლანდია]]. ანგლიკანური ეკლესია თავს განიხილავს „ერთი წმინდა კათოლიკე და სამოციქულო ეკლესიის“ წევრად.