[[ფაილი:Georgian falconers with sparrowhawks.jpg|320px|მინიატიურა|ქართველი ბაზიერები.]]
'''ბაზი''' ({{lang-fa|ბაზ}} — მიმინო, ქორი), — მონადირე დამჭერ [[ფრინველები|ფრინველთა]] ზოგადი სახელი. განეკუთვნება [[მთის არწივი]], [[სონღული]], [[გავაზი]], [[შავარდენი]], [[ქორი]], [[მიმინო]] და ნაწილობრივ [[მარჯანი]]. [[ყირგიზეთი|ყირგიზეთსა]] და [[ყაზახეთი|ყაზახეთში]] მთის არწივით (ბერკუტი) ნადირობენ [[მელა]]ზე, [[კურდღელი|კურდღელზე]], ზოგჯერ მელაზე; ქორით — [[იხვები|იხვზე]], [[ბატები|ბატზე]], [[ხოხობი|ხოხობზე]], [[გნოლი|გნოლზე]]; [[თურქმენეთი|თურქმენეთში]] გავაზი სანადიროფსანადიროდ [[შემოდგომა]]სა და [[ზამთარი|ზამთარში]] გაჰყავთ. ბაზს იჭერენ [[ბადე|ბადით]], ხაფანგით[[ხაფანგი]]თ ანდა ნახევრადშებუმბვლილი ბარტყი ამოჰყავთ ბუდიდან, შებუმბვლის შემდეგ მართვეს წვრთნიან ნადირ-ფრინველზე სანადიროდ, ზრდასრულს კი არვევენაჩვევენ [[ადამიანი|ადამიანს]] და გარემო პირობებს. ბაზს კვებავენ ხორცით. სათანადო მოვლით მთის არწივს სანადიროდ იყენებენ 20 წლის ასაკამდე, გავაზსა და ქორს 5-7 წლამდე.
ბაზით [[ნადირობა]], როგორც სპორტის სახეობა, [[საქართველო]]ში ძველთაგანვე იყო გავრცელებული. ქორით ნადირობდნენ ხოხობსა და ტყის ქათამზე, იშვიათად იხვზე, მიმინოთი — მწყერზე, ღალღასა[[ღალღა]]სა და წყლის ფრინველზე ქორსა და მიმინოს ახლაც წვრთნიან (მართავენ). ბაზს იჭერენ სამკუთხედი ფორმის ჩიტბადით გორაკზე (საირაო), სადაც შემოდგომაზე თავს იყრიან გადამფრენი მტაცებელი ფრინველები. ქ. [[ოზურგეთი|ოზურგეთში]] სექტემბრის თვეში დაწესებული იყო ბაზიერის დღე. [[1969]] წლიდან საქართველოში ყოველწლიურად ტარდებოდა გამოფენა-შეჯიბრი, სადაც შეფასება ეძლეოდა ბაზის გარეგნობასა და გაწვრთილობას. დასავლეთ საქართველოში მიმინოთი მწყერზე ნადირობდნენ.