თევზთეთრა: განსხვავება გადახედვებს შორის

'''თევზთეთრა''' ({{lang-la|Stenodus leucichthys}}) — ნახევრადგასვლელი თევზი [[ორაგულისებრნი|ორაგულისებრთა]] ოჯახისა. ვიწრო, გვერდებში ოდნავ შეკუმშული სხეული აქვს. სიგრძე 130 სმ, წონა 14 კგ. მსხვილი ქერცლი აქვს, ციკლოიდური. პირი დიდია, კბილები წვრილი. ზურგის შეფერილობა მუქად მომწვანოა, მუცელი და გვერდები ვერცხლისფერი, ფარფლები მუქი. მტაცებელი, ტოფობისას არ იკვებება. დედალი სქესობრივ სიმწიფეს 6-7 წლისა, მამალი კი 5-6 წლისა აღწევს. გავრცელებულია [[კასპიის ზღვა]]ში. გამოიყოფა ორი ქვესახეობა: საკუთრივ თევზთეთრა ({{lang-la|Stenodus leu­cich­thys leucichthys}}) და [[ნელმა]] ({{lang-la|Stenodus leu­cich­thys nelma}}). პირველი გვხვდება [[კასპიის ზღვა|კასპიის ზღვის]] გამტკნარებულ მონაკვეთებზე, [[ქვირითი]]ს დასაყრელად (2-3 წელიწადში ერთხელ) შედის მდინარე [[ვოლგა]]სა და [[ურალი (მდინარე)|ურალში]], იშვიათად [[თერგი|თერგში]]. ნელმა [[ჩრდილოეთის ყინულოვანი ოკეანე|ჩრდილოეთ ყინულოვანი ოკეანის]] მდინარეების აუზში ბინადრობს. თევზთეთრა ძვირფასი სარეწაო თევზია, რომლის რაოდენობა მკვეთრად მცირდება. მისი ხორცი ძალიან ფასობს ზურგიელის სახით. ხშირად გამოიყენება როგორც აკლიმატიზაციის ობიექტი. კვლავწარმოება ხორციელდება თევზის ქარხანაში დიდწილად ხელოვნური მოშონების შედეგად.