'''თრიალეთის ქედი''' - — [[ქედი]] [[მცირე კავკასიონი|მცირე კავკასიონის]] დასავლეთ ნაწილში, [[ახალციხის ქვაბული|ახალციხის ქვაბულსა]] (დასავლეთით) და [[თბილისი|თბილისს]] (აღმოსავლეთით) შორის. იწყება საბადურის და მტავრდება თლისთან თელეთის ქედით. მდებარეობს [[მტკვარი|მტკვრის]] მარჯვენა ნაპირზე. სიგრძე დაახლ. 150 კმ, მაქსიმალური სიგანე 30 კმ. ძირითადად აგებულია პალეოგენური ვულკანოგენური ნალექებით (პორფირიტული ლავური განფენები, ტუფ-ბრექჩიები, ტუფები, ტუფოგენური ქანები), აგრეთვე ზედაცარცული კირქვებით, პალეოცენისა და ოლიგოცენის თიხაფიქლებითა და ქვიშაქვებით. ქედის დასავლეთ ნაწილში გავრცელებულია ახალგაზრდა ანდეზიტური ლავები. თრიალეთის ქედის მთავარი განტოტებებია დასავლეთ ნაწილში - — გვირგვინი, საბადური, ჭაობარეთი, აღმოსავლეთ ნაწილში - — საწკეპელა, თელეთი. ქედის უმაღლესი ადგილია მწვერვალი [[შავიკლდე]] (2850 მ); სხვა მწვერვალების სიმაღლე - — ([[არჯევანი]], [[საყველოსმთა]], [[კოდიანი]], [[ოშორა]], [[ორთათავი]], [[ქვაჯვარი (თრიალეთი)|ქვაჯვარი]], [[კენჭიყარა]] და სხვა) 2300-28002300—2800 მ აღწევს.
თრიალეთის ქედის მნიშვნელოვანი [[უღელტეხილი]]ა [[ცხრაწყარო (უღელტეხილი)|ცხრაწყარო]], რელიეფს ძირითადად ქმნის ეროზიული ქედები და ხეობები. განვითარებულია აგრეთვე ვულკანური წარმონაქმნები, ქვაბულები, მერწყრები, გამოქვაბებულები და სხვა. ქედის ჩრდილოეთ კალთაზე საფეხურებივითაა განლაგებული 5 მოსწორებული ზედაპირი, რომელთა აბსოლუტური სიმაღლე 900-იდან 2400 მ-მდე ცვალებადობს. კალთები 1200-13001200—1300 მ-მდე შემოსილია მუხნარითა და მუხნარ-რცხილნარით, მთისწინეთი - — ჯაგრცხილნარ-მუხნარითა და ჯაგეკლიანი ბუჩქნარით. 1200-13001200—1300-დან 2000-22002000—2200 მ-მდე წიფლნარი და წიფლნარმუქწიწვიანი ტყეებია. ქედის ყველაზე მარალი ნაწილი შემოსილია სუბალპური და ალპური ბალახეუულობით.
