ბიოწარმოება: განსხვავება გადახედვებს შორის

დღეისათვის ორგანული სოფლის მეურნეობა მსოფლიოს 170 ქვეყანაში მოიცავს 70 მილიონ ჰექტარ ფართობს. [[ავსტრალია]]ში ეს ფართობები 12,5 მილიონ ჰექტარს შეადგენს; [[ევროპა]]ში 12, აშშ 2,3, [[ლათინური ამერიკა|ლათინურ ამერიკაში]] 7,[[ აზია]]ში 3,3, [[აფრიკა]]ში 1,2 მილიონი ჰექტარი. მსოფლიოში ორ მილიონამდე სერთიფიცირებული ბიოფერმერია, რომლის 80 % განვითარებად ქვეყნებზე მოდის: [[ინდოეთი|ინდოეთში]] 600 ათასზე მეტი ასეთი ფერმერია, [[უგანდა]]ში 190 ათასი, [[მექსიკა]]ში 170 ათასი, [[ტანზანია]]ში 150 ათასი, ხოლო თურქეთში 60 ათასამდე ბიოფერმერი.

 

==ბიოპროდუქტების ბაზარი საქართველოში==

2017 წლის მონაცემებით, [[საქართველო]]ში ბიოწარმოებისათვის 2 ათასი ჰექტარი მიწის ფართობი იყო გამოყოფილი. საქართველოდან [[2016]] წელს ექსპორტზე გავიდა დაახლოებით 405 ტონა ორგანული პროდუქტი. ქართული ბიო პროდუქტის ძირითადი ბაზარი არის გერმანია. საქართველოში ბიოწარმოების სერტიფიკატი აქვს 12 საწარმოს/მეწარმეს, ხოლო დანარჩენი 36 სერტიფიცირების პროცესშია (გარდამავალი პერიოდი). საქართველოს კანონით „ბიოწარმოების შესახებ“ ბიოწარმოების სერტიფიკატი არის შესაბამისობის შეფასების დოკუმენტი, რომლითაც სერტიფიკაციის ორგანო ადასტურებს, რომ სურსათი/ცხოველის საკვები, პირველადი წარმოების პროდუქტი, შეესაბამება კანონით დადგენილ მოთხოვნებს.<ref name="მაცნე" /> საქართველოში, კლიმატური პირობებიდან გამომდინარე, პერსპექტიულ ბიოდარგებად მიიჩნევა ბიოღვინისა და ბიოჩაის წარმოება.