|
==ისტორია==
2013 წელს პანამის ეროვნული ნაკრებს ჰქონდა შესანიშნავი შესაძლებლობა გასულიყო მსოფლიო ჩემპიონატზე.ჩემპიონატის შესარჩევი ეტაპის ბოლო ტურში პანამა ეთამაშებოდა [[აშშ-ის ეროვნული საფეხბურთო ნაკრები|აშშ-ის ნაკრებს]], ხოლო მის კონკურენტს, [[მექსიკის ეროვნული საფეხბურთო ნაკრები|მექსიკას]] უწევდა გასვლითი მატჩი [[კოსტა-რიკის ეროვნული საფეხბურთო ნაკრები|კოსტა-რიკის]] წინააღმდეგ. საკვალიფიკაციო ეტაპის ჯგუფი შედგებოდა ექვსი ნაკრებისგან, აქედან პირველი სამი პირდაპირ მსოფლიო ჩემპიონატის მონაწილეებს შორის ხვდებოდა, ხოლო მეოთხეს უნდა ეთამაშა გადათამაშება სხვა კონტინენტის წარმომადგენელთან. აშშ-ს, კოსტა-რიკას და ჰონდურასს გარანტირებული ჰქონდათ პირველი, მეორე და მესამე ადგილები, ხოლო მეოთხე ადგილზე მოსახვედრად იბრძოდნენ პანამა და მექსიკა. მექსიკას ბოლო ტურში ფრეც ხელს აძლევდა, პანამას კი ესაჭიროებოდა აშშ-ის დამარცხება და მისი კონკურენტის მარცხი. ბოლო ტურში მექსიკა დამარცხდა კოსტა-რიკასთან 2–1, ხოლო პანამა 93-ე და 94-ე წუთებზე გაშვებული გოლებით დამარცხდა აშშ-ს ნაკრებთან 2–3 და მსოფლიო ჩემპიონატს მიღმა დარჩა. <ref>{{cite web|url=https://ussoccer.com/stories/2014/03/17/11/26/131015-mnt-vs-panama-match-report|title=U.S. STUNS PANAMA WITH TWO STOPPAGE-TIME GOALS, EQUALS BEST HEXAGONAL PERFORMANCE WITH 3-2 VICTORY}}</ref><ref>{{cite web|url=https://nytimes.com/2013/10/16/sports/soccer/us-ends-panamas-world-cup-run-and-saves-mexico.html|title=U.S. Ends Panama’s World Cup Run and Saves Mexico}}</ref> <br/>
2017 წლის 11 ოქტომბერს პანამასთვის ნანატრი დღე დადგა და პანამის ეროვნული საფეხბურთო ნაკრები ისტორიაში პირველად კვალიფიცირდაგავიდა მსოფლიო ჩემპიონატზე. შესარჩევი ეტაპის ჯგუფში პანამასთან ერთად კიდევ ხუთი გუნდი იბრძოდა ტურნირზე მოსახვედრად: მექსიკა, კოსტა-რიკა, აშშ, ჰონდურასი და ტრინიდადი და ტობაგო. აქედან მხოლოდ პირველი სამი გუნდი ხვდებოდა მსოფლიო ჩემპიონაზე პირდაპირი გზით, მეოთხე გადათამაშებას თამაშობდა ოკეანეთის წარმომადგენელთან. მექსიკას და კოსტა-რიკას მსოფლიო ჩემპიონატის საგზური ბოლო ტურისთვის უკვე გარანტირებული ჰქონდათ, მესამე (და მეოთხე) ადგილისთვის კი სწორედ პანამა, აშშ და ჰონდურასი იბრძოდნენ. ბოლო ტურში აშშ-ის ნაკრებს ფრეც კი ხელს აძლევდა მსოფლიო ჩემპიონატზე გასასვლელად, თუმცა ისინი დამარცხდნენ ჯგუფის აუტსაიდერ ტრინიდად და ტობაგოსთან, საპირისპიროდ პანამას ნაკრებმა კი ბოლო წუთებზე გატანილი გოლით მოახერხა კოსტა-რიკის დამარცხება და მსოფლიო ჩემპიონატზე კვალიფიცირდა. თავისი მატჩი ჰონდურასმაც მოიგო, თუმცა ბურთების უარესი სხვაობის გამო იგი მეოთხე ადგილზე გავიდა.
11 ოქტომბერი პანამის პრეზიდენტმა [[ხუან კარლოს ვარელა]]მ ეროვნულ დღესასწაულად გამოაცხადა.
[[მსოფლიო საფეხბურთო ჩემპიონატი 2018|2018 წლის მუნდიალზე]], რომელიც რუსეთში გაიმართა, პანამის და ისლანდიის ეროვნული გუნდები იყვნენ ერთადერთი დებიუტანტები. პანამას ჯგუფში კენჭისყრის შედეგად მოხვდნენ ინგლისის, ბელგიის და ტუნისის ნაკრებები. პანამის ნაკრების 23 კაციან განაცხადიდან მსოფლიო ჩემპიონატზე საასპარეზოდ მხოლოდ სამი თამაშობდა ევროპის ჩემპიონარებში. პირველი მატჩი პანამას უნდა გაემართა ბელგიის წინააღმდეგ, რომელიც 18 ივნისს უნდა გამართულიყო. ბელგიის ნაკრები თავისი „ოქროს თაობის“ ვარსკვალავებით იყო დაკომპლექტებული და წარმატებულ მსოფლიო ჩემპიონატსაც უწინასწარმეტყველებდნენ, თუმცა. პანამის ნაკრების მწვრთნელმა ერნან გომესმა განაცხადა,იმედიანი განცხადება გააკეთა მატჩის რომწინ: „თუ ისლანდიამ მიაღწია წარმატებას არგენტინასთან, პანამამაც შეიძლება აჩვენოს კარგი შედეგი“ (წინა დღეს ისლანდიის ნაკრებმა 1–1 ითამაშა არგენტინასთან). ამის მიუხედავად, პანამამ 0–3 წააგო. მეორე მატჩში პანამა ინგლისს დაუპირისპირდა და 1–6 დამარცხდა. პანამას მხრიდან ერთადერთი გოლი გაიტანა ფელიპე ბალოიმ. იგი პირველი აღმოჩნდა პანამის ნაკრებისთვის მსოფლიო ჩემპიონატებზე. ბოლო ტურში პანამა 1-2 დამარცხდა ტუნისთან და ჯგუფური ეტაპიდან გამოეთიშა ტურნირს. <ref>{{cite web|url=http://www.worldfootball.net/news/_n3255460_/minnows-panama-face-up-to-size-of-task-against-star-studded-belgium/|title=Minnows Panama face up to size of task against star-studded Belgium}}</ref><ref>{{cite web|url=http://worldfootball.net/teams/panama-team/wm-2018-in-russland/2/|title=Panama squad World Cup 2018 Russia}}</ref>
==სქოლიო==
|
