აკაკი წერეთლის გამზირი: განსხვავება გადახედვებს შორის

 

ეს არის დიდუბის რაიონის ძირითადი მაგისტრალი (სიგრძე დაახლოებით 3,8 კმ), მიემართება [[მტკვარი|მტკვრის]] პარალელურად და უერთდება შოთა შალიკაშვილის (ყოფილი დიდუბის) ხიდს, რომელიც ამ რაიონს აკავშირებს [[დიღმის მასივი|დიღომთან]]. 60-იან წლებში დაიწყო გამზირის გაფართოება-რეკონსტრუქცია. ძირითადად განაშენიანებულია რვასართულიანი საცხოვრებელი სახლებით. გამზირზეა სააქციო საზოგადოება „თბილქალაქმშენი“, შპს „სამთო ქიმია“, შპს „[[კოკა-კოლა (კომპანია)|კოკა-კოლა ბოთლერს ჯორჯია]]“, [[ბორის პაიჭაძის ეროვნული სტადიონი|ეროვნული სტადიონი]] [XX საუკუნის 30-იანი წლები, არქიტექტორი [[არჩილ ქურდიანი]], არქიტ. ნ. გრინევსკის მონაწილეობით. რეკონსტრუქცია ჩაუტარდა 1976 (არქიტექტორები:ა. და გ. ქურდიანები. კონსტრუქტორი შ. გაზაშვილი) და 2006 წელს (არქიტექტორები: გ. და ა. ქურდიანები)], დიდუბის ღვთისმშობლის ეკლესია, [[დიდუბის პანთეონი|ქართველ მწერალთა და საზოგადო მოღვაწეთა დიდუბის პანთეონი]], საგამოდენო ცენტრის — „[[ექსპოჯორჯია|ექსპოჯორჯიის]]“ პავილიონები, მძლეოსნობის სასახლე (1979, არქიტექტორები: მ. ლიპარტელიანი, მ. ჩხენკელი, რ. ჯანაშია). გამზირზე დგას აკაკი წერეთლის ძეგლი (მოქანდაკე ბ. ავალიშვილი, არქიტექტორი ოტარ ლიტანიშვილი), სკულპტურული კომპოზიცია „გონების აღმაფრება“ (მოქანდაკე ლ. მამალაძე). გამოდის მეტროს სადგურები „[[წერეთლის გამზირი (მეტროსადგური)|წერეთლის გამზირი]]“, „[[დიდუბე (თბილისის მეტრო)|დიდუბე]]“.

== ლიტერატურა ==

{{ეთ|1|201-202}}