ოცნების რეკვიემი: განსხვავება გადახედვებს შორის

==სიუჟეტი==

{{სიუჟეტი}}

ერთ დღეს სარას ურეკავენ და თავის რჩეულ რეალითი შოუში იწვევენ. ბედნიერი სარა ტელევიზიაში გამოსაჩენად ემზადება და თავის გარეგნობაზე ზრუნვას იწყებს: იღებავს თმებს, ირუჯება. იგი მანიაკალურად აიკვიატებს სურვილს მოირგოს თავისი საყვარელი წითელი კაბა, რომელიც ჰარის გამოსაშვებ საღამოზე ეცვა. ამ მიზნით მკაცრი დიეტის დაცვას იწყებს. სარა შიმშილით იტანჯება და მალევე მოლანდებები ეწყება, რის შემდეგაც სარა მეგობრის რეკომენდაციით მიდის ექიმთან, რომელიც მას გასახდომ აბებს, ამფეტამინებს გამოუწერს. აბების მიღების შემდეგ სარა ენერგიის მოზღვავებას გრძნობს. იგი მკვეთრად იკლებს წონაში. მეგობრები მისით აღტაცებულები არიან და მუდმივად კომპლიმენტებით ამკობენ. სარასთან სტუმრად მისული ჰარი ხვდება, რომ დედამისი ამფეტამინებს იღებს და ემუდარება შეწყვიტოს ამის კეთება. სარა შვილს ეუბნება, რომ მარტოსულია, მოხუცია, არავინ ჰყავს ვისზეც იზრუნებს, ხოლო წითელი კაბით და ოქროსფერი ფეხსაცმელებით ტელევიზიაში გამოჩენა, პატივისცემა და აღფრთოვანება მეგობრების მხრიდან, სწორედ ისაა რაც მას ცხოვრების ხალისს და ხვალინდელი დღის იმედს აძლევს.