ბაია (გვარი): განსხვავება გადახედვებს შორის

'''ბაია''' ({{lang-la|Ranunculus}}) — [[მცენარეები|მცენარეთა]] [[გვარი (ბიოლოგია)|გვარი]] [[ბაიასებრნი|ბაიასებრთა]] ოჯახისა[[ოჯახი (ბიოლოგია)|ოჯახი]]სა. [[მრავალწლოვანი მცენარეები|მრავალწლოვანი]], იშვიათად [[ერთწლოვანი მცენარეები|ერთწლოვანი]] ბალახია, რომელსაც ფუნჯა [[ფესვი|ფესვები]] (ხშირად ფესურები) და მორიგეობით განლაგებული თათისებრ დაყოფილი [[ფოთოლი|ფოთლები]] აქვს. [[ყვავილი|ყვავილები]] ცალადია ან შეკრებილია მეჩხერ ყვავილედებად. ყვავილსაფარი ორმაგია. ხუთწვერიანი. [[გვირგვინი (ბოტანიკა)|გვირგვინის]] ფურცელი ყვითელია, იშვიათად თეთრი; თითოეული ფურცლის ძირში სანექტრეებია. ნაყოფი კაკლიჭაა.

ცნობილია 600-მდე სახეობა, [[საქართველო]]ში 50-მდე, რომელთაგანაც 11 — [[საქართველო]]ს [[ენდემები|ენდემია]] ({{lang-la|Ranunculus Helenae, Ranunculus abchasicus}} და სხვა), 9 კი — [[კავკასია|კავკასიისა]]. ბაია გავრცელებულია ყველა სარტყელში — დაბლობიდან მაღალმთამდე.

უყვარს ტენიანი ადგილები, თუმცა ზოგიერთი სახეობა ველებსა და ხრიოკებზეც გვხვდება. [[საქართველო]]ში სახეობათა უმრავლესობა სუბალპურ და ალპურ მდელოებზე იზრდება, მცირე რაოდენობით გვხვდება ტყეებში, ბუჩქნარებსა და ველობებზე, თითო-ოროლა სახეობა კი ({{lang-la|Ranunculus oxyspermus, Ranunculus meridionalis}}) ნახევრად უდაბნოებში და ველებზე.

ბევრი მათგანი შხამიანია (Ranunculus sceleratus და სხვა). შეიცავს ანემონოლს, რომელიც იწვევს საქონლის მოწამვლას, თივა კი უვნებელია. ბაიათა საკმაოდ დიდი ნაწილი სარეველაა ([[ყანის ბაია]] — {{lang-la|Ranunculus arvensis}}), ზოგი მეტნაკლებად დეკორატიული.