მამია I გურიელი: განსხვავება გადახედვებს შორის

არ არის რედაქტირების რეზიუმე
'''მამია I გურიელი''' (გ. [[1534]]) — გურიის მთავარი [[1512]]-[[1534]] წლებში, [[გიორგი I გურიელი|გიორგი I გურიელის]] ძე.
 
1520 წელს კახეთის მეფე [[ლევანი, გიორგი II-ის ძე|ლევანმა]] სთხოვა დახმარება ქართლის მეფე [[დავით X]]-ის დამარცხებაში. ლევანმა მამიას ასევე სთხოვა ქალიშვილის ხელი, რათა განემტკიცებინა ალიანსი. ლევანმა დაამარცხა დავით X მაღაროსთან ბრძოლაში, ხოლო მამია I შეიჭრა ქართლში. დავითმა, მამიამ და ლევანმა ზავი მუხრანში დადეს. 1520 წელს, იმერეთის მეფე ბაგრატ III-სა და მამია გურიელის მონაწილეობით, ქართლისა და კახეთის მეფეებს შორის ზავი დაიდო, რითაც დადასტურდა საქართველოს სამ თანასწორუფლებიან სამეფოდ გაყოფა. მამიამ ქალიშვილი [[თინათინ გურიელი|თინათინი]] ლევანს მიათხოვა.
 
1533 წელს [[მურჯახეთის ბრძოლა]]ში ეხმარებოდა იმერეთის მეფე [[ბაგრატ III (იმერეთის მეფე)|ბაგრატ III-ს]]. მურჯახეთის ბრძოლა დამთავრდა ბაგრატ მეფის სრული გამარჯვებით ყვარყვარე ათაბაგი ტყვედ ჩავარდა. სამცხე-საათაბაგომ დამოუკიდებლობა დაკარგა და იმერეთს შეუერთდა 10 წლით, 1545 წლამდე. იმავე წელს [[მამია III დადიანი|მამია III დადიანთან]] ერთად ჯიქეთზე გაილაშქრა; მოკავშირეები დამარცხდნენ. ამ ბრძოლაში დაიღუპა მამია I გურიელის ვაჟი გიორგი, ხოლო მთავარი, მისი ძმები და ეპისკოპოსები ტყვედ ჩავარდნენ და თავი გამოისყიდეს.