'''ლევან I დადიანი''' — [[ოდიშის საერისთავო|ოდიშის ერისმთავარიერისთავი]] ([[1533]]-?) და [[ოდიშის სამთავრო|ოდიშის მთავარი]] (?-[[1572]]), [[მამია III დადიანი]]ს ძე. თავდაპირველად ლევან I დადიანი ცნობდა [[იმერეთი]]ს მეფე [[ბაგრატ III, ალექსანდრე II-ის ძე|ბაგრატ III-ის]] უზენაესობას და ერისთავთერისთავის ტიტულს ატარებდა, თუმცა, ამავე დროის, სრული დამოუკიდებლობისათვის იბრძოდა. [[1548]] ბაგრატ III-მ ლევან I დადიანი სადარბაზოდ მიიწვია, დააპატიმრა და გამოამწყვდია გელათის სამრეკლოში, საიდანაც იგი სამცხის ათაბაგის [[ქაიხოსრო III]]-ის ხელშეწყობით სამცხეში გაიპარა. შემდეგ ლევან I დადიანმა როსტომ გურიელის დახმარებით დაიბრუნა სამთავრო ტახტი. [[1557]] ლევან I დადიანს იმერეთის მეფე ბაგრატ III და [[გიორგი II გურიელი]] დაუპირისპირდნენ და იძულებული გახდა [[სტამბოლი|სტამბოლში]] გამგზავრებულიყო. თურქეთის ხელისუფლებამ ცნო დამოუკიდებლობა [[იმერეთის სამეფო]]საგან. ლევან I დადიანმა ხელმწიფის ტიტული მიიღო. იგი ოსმალთა დახმარებით გურიის მთავარს შეურიგდა; მათ [[საჯავახო (მხარე)|ჭილაძეების სამფლობელო]] დაიპყრეს და გაინაწილეს.
