რიონი: განსხვავება გადახედვებს შორის

'''რიონი''' — [[მდინარე]] დასავლეთ საქართველოში. სიგრძე 327 კმ, აუზის ფართობი 1340013 400 კმ². სათავე აქვს [[კავკასიონი]]ს სამხრეთ კალთაზე ფასის მთაზე, [[ზღვის დონე|ზღვის დონიდან]] 2960 მ. ერთვის [[შავი ზღვა|შავ ზღვას]] [[ფოთი|ფოთთან]]. სათავიდან სოფელ [[გლოლა]]მდე მიედინება სამხრეთ-აღმოსავლეთისკენ განიერ, ღრმა ხეობაში, რომელიც მდინარე ზოფხიტურის შეერთებამდე ტროგულია. ივითარებს განიერ ჭალას და იტოტება. ადგილ საგლოლოს ქვემოთ მიედინება ჯერ სამხრეთისკენ, შემდეგ — სამხრეთ დასავლეთისკენ ღრმა და ვიწრო ხეობაში, ივითარებს ვიწრო წყვეტილ ჭალას. [[ონი|ონთან]] უხვევს დასავლეთისკენ და მიედინება სოფელ ალპანამდე. ხეობა აქ ღრმა და განიერია, აქვს ფართო ჭალა, რომელიც წყალდიდობის დროს თითქმის მთლიანად იტბორება. მდინარე იტოტება და წარმოშობს კუნძულებს. ჩამოყალიბებულია ტერასები, რომელთა სიმაღლე 2-3-იდან 20-35 მ-მდეა, სიგრძე 2-3 კმ, სიგანე რამდენიმე ასეული მეტრია. [[ტერასები (გეოლოგია)|ტერასებზე]] გაშენებულია სოფლები, ბაღ-ვენახები, ბოსტნები და ნათესები. ხეობა ზოგან შევიწროებულია ქმნის კლდეკარს (ხიდიკრის კლდეკარი). სოფელ ალპანიდან რიონი მკვეთრად უხვევს სამხრეთისკენ და ვიწრო ხეობაში გაედინება, მხოლოდ ალაგ-ალაგ განივრდება და იტოტება. სოფელ ტვიშთან ქმნის ღრმა კლდეკარს. [[ქუთაისი]]ს ქვემოთ, [[კოლხეთის დაბლობი|კოლხეთის დაბლობზე]] გამოდის, ივითარებს განიერ [[ჭალა]]ს, იტოტება და წარმოშობს [[კუნძული|კუნძულებს]].

რიონი სოფელ [[ვარციხე]]სთან უხვევს დასავლეთისკენ და ამ მიმართულებით მიედინება შესართავამდე. განსაკუთრებით განიერია ჭალა ვარციხიდან სოფელ ბაშამდე. აქ ის დატოტვილია, წარმოშობს მრავალ კუნძულს, რომელთა ნაწილი წყალდიდობის დროს იტბორება.

რიონის მთავარი [[შენაკადი|შენაკადებია]] მარჯვენა: [[საკაურა]], [[ლუხუნი]], [[რიცეულა]], [[ლაჯანური]], [[გუბისწყალი (მდინარე)|გუბისწყალი]], [[ცხენისწყალი (მდინარე)|ცხენისწყალი]], [[ტეხური]], [[ცივი (მდინარე)|ცივი]]; მარცხენა: [[ჭანჭახი (მდინარე)|ჭანჭახი]], [[ღარულა]], [[ჯეჯორა]], [[ლეხიდარი]], [[ყვირილა]], [[ხანისწყალი]], [[სულორი (მდინარე)|სულორი]], [[ყუმური (მდინარე)|ყუმური]], [[ხევისწყალი]].

რიონის ჩამონადენი წყლის სეზონების მიხედვით: გაზაფხულზე წლის ჩამონადენის 38,8 %, ზაფხულში - 28,5 %, [[შემოდგომა]]ზე — 18,4 %, ზამთარში — 14,3 %. ჩამონადენის განაწილება საზრდოობის კომპონენტების მიხედვით ასეთია: [[მიწისქვეშა წყალი|მიწისქვეშა წყლებისა]] — 34,7 %, [[წვიმა|წვიმისა]] — 32,5 %, [[თოვლი]]სა — 28,2 %, [[მყინვარი|მყინვარული წყლებისა]] — 4,6 %. რიონს [[შავი ზღვა|შავ ზღვაში]] წლიურად 12,9 კმ³ წყალი და დიდი რაოდენობით მყარი ჩამონადენი შეაქვს. მყარი ჩამონადენის საშუალო წლიური ოდენობა იზრდება სათავიდან შესართავისაკენ: სოფელ ღებთან იგი შეადგენს 96 ათ. ტ, ხიდიკართან — 2,2 მლნ. ტ, სოფელ ნამოხვანთან — 4,9 მლნ. ტ, საქოჩაკიძესთან — 6,9 მლნ. ტ.

{{ონის მუნიციპალიტეტის გეოგრაფია}}