ზემო ალვანის იოანე ნათლისმცემლის ეკლესია: განსხვავება გადახედვებს შორის

ტაძრის დასავლეთ კედლის ქვედა რეგისტრში გამოსახულია 5 ფიგურისაგან შემდგარი რიგი, რომლითაგანაც პირველი ფიგურა წარმოადგენს [[წმინდა ნინო|წმინდა ნინოს]] ხოლო ბოლო ორი იმპერატორ [[Კონსტანტინე I დიდი|კონსტანტინესა]] და მის დედას ელენეს. რიგის მეორე და მესამე გვირგვინოსანი ფიგურა წარმოადგენს [[Ქტიტორი|ქტიტორთა]] პორტრეტებს. ისტორიული წყაროები მოწმობენ რომ რიგის მეორე ფიგურა წარმოადგენს ლევან კახთა მეფეს. ჯერ კიდევ ორმოცდაათი წლის წინ ამ ფიგურის გვერდით იკითხებოდა წარწერა "ლეონ" , რონმელის ახლა დაკარგულია. რაც შეეხება რიგის მესამე ფიგურას, ის ძალზედ დაზიანებულია და მისგან მხოლოდ გვირგვინოსანის სილუეტიღაა შემორჩენილი. ადრინდელი კვლევები მას მიაკუთვნებდნენ [[Თინათინ გურიელი|თინათინ]] გურიელს, ლევან მეფის მეუღლეს, თუმცა უახლესმა გამოკვლევებმა აჩვენა რომ ამ ფიგურის სახეზე შეიმჩნევა მამაკაცის წვერის ფორმაზე მონიშნული სპეციალური ნაკაწრების, [[Გრაფემა|გრაფემების]], კვალი რომელსაც იყენებდნენ მოსამზადებელი ნახატისათვის კონტურების მოსანიშნად. შესაბამისად, რიგის მესამე ფიგურა უნდა ეკუთვნოდეს მამაკაცს.