ზიზილა: განსხვავება გადახედვებს შორის

'''ზიზილა''' (Bellis) — მრავალწლოვანი ბალახოვანი მცენარეების გვარი [[რთულყვავილოვანნი|რთულყვავილოვანთა]] ოჯახისა.

აქვთ ფესვთანურ როზეტად შეკრებილი ნიჩბისებრი ან უკუკვერცხისებრი ფოთლები და ერთკალათიანი საყვავილე ღერძი; კალათში განაპირა ყვავილები ენისებრია, მხოლოდ ბუტკოიანი და თეთრი, ვარდისფერი ან იშვიათად წითელი, შიგნითა — მილისებრი, ორსქესიანი და [[ყვითელი]]. მრავლდება თესლით და ვეგეტატიურად — დაყოფით.

10 (15) სახეობა ველურად გავრცელებულია [[ევროპა]]ში, [[მცირე აზია|მცირე აზიასა]] და [[ჩრდილოეთი ამერიკა|ჩრდილოეთ ამერიკაში]]. [[საქართველო]]ში იზრდება მხოლოდ ერთი სახეობა — Bellis perennis, რომლის ბუთხუზაყვავილებიან ფორმებს დეკორატიულ მებაღეობაში იყენებენ კლუმბებისა და ბორდიურების გასაფორმებლად.