დროება (XIX საუკუნე): განსხვავება გადახედვებს შორის

'''"დროება"''', ქართული პოლიტიკური და ლიტერატურული [[გაზეთი]] პროგრესულ-დემოკრატიული მიმართულებისა. დაარსდა 1866 წლის 4 მარტს [[თბილისი|თბილისში]]. 1866-1874 წლებში -— კვირაში სამჯერ, 1877 წლიდან -— ყოველდღიურად.

"დროება" ღრმა კვალი გაავლო ქართველი ხალხის საზოგადოებრივ ცხოვრებაში და XIX საუკუნის II ნახევარში ქართული აზრის შესანიშნავ მატიანედ დარჩა. გაზათში თანამშრომლობდნენ გამოჩენილი ქართველი მწერლები და საზოგადო მოღვაწეები -— [[ილია ჭავჭავაძე, ილია|ი. ჭავჭავაძე]], [[წერეთელი,აკაკი აკაკი წერეთელი| ა. წერეთელი]], გ. წერეთელი, ი. გოგებაშვილი, ნ. ნიკოლაძე, ს. მესხი, პ. მელიქიშვილი, პ. უმიკაშვილი, ი. მაჩაბელი, დ. მიქელაძე, კ. ლორთქიფანიძე, ა. ყაზბეგი, ა. ფურცელაძე და სხვანი. რედაქტორები: გ. წერეთლი (1866-1869), ს. მესხი (1869 წლის 17 აპრილიდან 1873 წლის ივლისამდე, 1874 წლის ოქტომბრიდან 1883 წლამდე), კ. ლორთქიფანიძე (1873 წლის ივლისიდან 1874 წლის ოქტომბრამდე), ი. ჭავჭავაძე და ს. მესხი (1880-1881), ი. მაჩაბელი (1883 წლიდან). გამომცემლები -— ს. მელიქიშვილი (1866-1882), [[გიორგი ქართველიშვილი|გ. ქართველიშვილი]] (1883 წლიდან). აშკარა რადიკალური მიმართულებისა და საცენზურო წესდების დარღვევის გამო, ადგილობრივი ხელისუფლების განკარგულებით "დროება" დაიხურა 1885 წლის 16 სექტემბერს.

* ''ქინქლაძე ო.'', "დროება" და აღზრდის საკითხები, თბ., 1963;

* ''ბოცვაძე ი.,'' ქსე, ტ. 3, გვ. 640, თბ., 1978