'''საგალობელი''', [[რელიგია|რელიგიასთან]] დაკავშირებული, ხმით შესასრულებელი საკულტო-სარიტუალო მუსიკალური ნაწარმოები. არსებობს ხალხური და პროფესიული სასულიერო და საერო, წარმართობის დროინდელი და შემდგომი ხანის სხვადასხვა სარწმუნოებასთან დაკავშირებული საგალობელი. სასულიერო საგალობელი სრულდება საკულტო ტაძრებში, [[ეკლესია|ეკლესიებში]], [[სინაგოგა|სინაგოგებში]], [[მეჩეთი|მეჩეთებში]], საკერპეებში. ეკლესიაში ასრულებენ წირვა-ლოცვის, ბავშვის ნათლობის, ქორწინების, პარაკლისის, პანაშვიდის, გასვენების დროს. ქართული საგალობლები სამხმიანია, თუმცა XVIII-XIX საუკუნეებში ლიტერატურულ წყაროებში გვხვდება ცნობები ექვსხმიანი საგალობლების შესახებ, რომლებსაც ჩვენამდე არ მოუღწევია, .ცნობილია მხოლოდ ცალკეული ხმების სახელები - [[კრინი]], [[ზილი]], [[თქმა (მუსიკა)|თქმა]], მაღალი ბანი, [[ბანი (მუსიკა)|ბანი]], [[დვრინი]]. ძველად საერო საგალობელი სრულდებოდა სუფრაზე.
ქრისტიანულ ღვთისმსახურებაში საგალობელი გალობით შესასრულებელი სხვადასხვა ფორმისა და დანიშნულების პოეტური ტექსტებია. ძველი ქართული საგალობლების ნაწილი თავმოყრილია [[მიქაელ მოდრეკილი|მიქაელ მოდრეკილის]] "[[იადგარი|იადგარში]]" (978-988).