'''კვანტური ჩახლართულობა''' ან '''კვანტური გადაჯაჭვულობაგადახლართულობა''' — კვანტურ-მექანიკური მოვლენა, რომლის დროსაც ორი ან რამდენიმე ობიექტის კვანტური მდგომარეობები ურთიერთდამოკიდებულია.<ref>[http://tech.dict.ge/ka/word/14047/quantum+entanglement/ კვანტური ჩახლართულობა — ინგლისურ-ქართული ტექნიკური ლექსიკონი]</ref> ასეთი ურთიერთდამოკიდებულება ნარჩუნდება მაშინაც კი თუკი ეს ობიექტები მიმოფანტულია სივრცეში ნებისმიერი [[ფუნდამენტური ურთიერთქმედება|ფუნდამენტური ურთიერთქმედების]] ფარგლებს გარეთ, რაც ერთი შეხედვით ლოგიკურ წინააღმდეგობაში იმყოფება ლოკალურობის პრინციპთან. კვანტური ჩახლართულობის ეფექტები ექსპერიმენტულად იყო დემონსტრირებული ფოტონებზე, ნეიტრინოებზე, ელექტრონებზე, მოლეკულებზე და პატარა ალმასებებზეც კი. კვანტური ჩახლართულობის შესწავლა წარმოადგენს თანამედროვე თეორიული ფიზიკის მნიშვნელოვან ამოცანას. ბოლო წლების განმავლობაში რჩება კვლევის აქტუალურ ობიექტად როგორც [[ფიზიკა|ფიზიკის]] ასევე [[მათემატიკა|მათემატიკის]] თვალსაზრისით. გადახლართულობის მათემატიკური ასპექტების აღწერის პრობლემატიკა წარმოადგენს კომპლექსური კვლევის ამოცანას.<ref>[http://rmi.tsu.ge/geo/angarishi/Razmadze%20Math%20Inst%20Program-2014-2018.pdf თსუ ანდრია რაზმაძის მათემატიკის ინსტიტუტი]</ref>
