[[1594]]-[[1597]] წლებში სამჯერ იმოგზაურა [[ჩრდილოეთ ყინულოვანი ოკეანე|ჩრდილოეთ ყინულოვან ოკეანეში]] [[ატლანტის ოკეანე|ატლანტის ოკეანიდან]] [[წყნარი ოკეანე|წყნარ ოკეანეში]] ჩრდილოეთჩრდილო-აღმოსავლეთ გასასვლელის მოსაძებნად. [[1596]]-[[1597]] წლებში [[ექსპედიცია]]მ მეორედ აღმოაჩინა [[დათვის კუნძულები|დათვისა]] და [[შპიცბერგენი]]ს კუნძულები. გაუვალი [[ყინული|ყინულების]] გამო ექსპედიცია იძულებული გახდა გამოსაზამთრებლად კუნძული [[ახალი მიწა|ახალი მიწის]] ჩრდილოეთჩრდილო-აღმოსავლეთ სანაპიროზე დარჩენილიყო. ბარენცმა შეადგინა ახალი მიწის [[რუკა]], პირველმა ჩაატარა [[მეტეოროლოგია|მეტეოროლოგიურ]] დაკვირვებათა წლიური ციკლი, გაზომა ზღვის სიღრმე [[გემი]]ს კურსის გასწვრივ; ამ [[ბარენცის ზღვა|ზღვას]] შემდგომ მისი სახელი ეწოდა. ბარენცის სახელს ატარებს აგრეთვე კუნძული [[შპიცბერგენის არქიპელაგი|შპიცბერგენის არქიპელაგში]], [[დაბა]] და ნავსადგური [[ბარენცბურგი]] კუნძულ [[დასავლეთი შპიცბერგენი|დასავლეთ შპიცბერგენზე]].
