საქართველოს სამხედრო გზა: განსხვავება გადახედვებს შორის

თავდაპირველი მარშრუტი, ტფილისსა და ვლადიკავკაზის საფოსტო სადგურებს შორის მოიაზრებოდა, რომელიც გზაზე არსებულ საფოსტო განყოფილებების გავლით მიემართებოდა.

 

თბილისიდან გზა მიყვება [[მდინარე]] [[მტკვარი|მტკვრის]] მარჯვენა სანაპიროს, სოფელ [[მუხათგვერდი|მუხათგვერდთან]] ხიდით მდინარე მტკვრის მარცხენა მხარეს გადადის, სოფელ [[წიწამური|წიწამურის]] შემდეგ გრძელდება მდინარე [[არაგვი|არაგვის]] მარჯვენა მხარეს — მუხრანის ვაკეზე და [[დაბა]] [[ჟინვალი|ჟინვალთან]] შედის მდინარე [[მთიულეთის არაგვი]]ს ვიწრო ხეობაში. გაივლის დაბა [[ფასანაური|ფასანაურს]]. სოფელ ზემო [[მლეთა|მლეთიდან]] იწყება ზემო მლეთის აღმართი, რომელიც ჯვრის უღელტეხილით მთავრდება. უღელტეხილიდან გზა ეშვება მდინარე [[ბიდარის ხეობა|ბიდარის ვიწრო ხეობაში]], გადის სოფელ [[ალმასიანი|ალმასიანთან]], სადაც თავს იყრის ბიდარის, [[თრუსოს ხეობა|თრუსო]]სა და [[უხათი|უხათის]] ხეობები, შემდეგ მიყვება მდინარე [[თერგი]]ს მარჯვენა მხარეს, გაივლის სოფლებს — [[კობი|კობს]], სიონს, გარბანს და დაბა [[სტეფანწმინდა]]ს. სტეფანწმინდიდან გზა ხიდით გადაინაცვლებს მდინარე თერგის მარცხენა მხარეს. მდინარე [[ჩხერი]]ს შესართავთან იწყება [[დარიალის ხეობა]]. აქედან გზა გველეთის ხიდით კვლავ მდინარე თერგის მარჯვენა მხარეზე გადადის, გაივლის სოფლებს [[ზემო ლარსი|ზემო ლარსა]] და ჩიმს, შედის შედარებით ფართო ბალთის ხეობაში, რომელიც კლდოვან ქედს კვეთს. აქედან გზა ჯერ საძოვრებიან, შემდეგ ტყიან ქედს კვეთს და მთავრდება ქ. ვლადიკავკაზთან.