ფუტურიზმი: განსხვავება გადახედვებს შორის

'''ფუტურიზმი''', მიმდინარეობა [[ხელოვნება|ხელოვნებასა]] და [[ლიტერატურა|ლიტერატურაში]], [[XX საუკუნე|XX საუკუნის]] დასაწყისში.

ფუტურიზმი რეალისტური ხელოვნების უარყოფის საფუძველზე შეიქმნა [[1907]]-—[[1909]] წლებში [[იტალია|იტალიაში]]. ფუტურისტული ხელოვნების მიზანი არის არა გარემომცველი სინამდვილის ასახვა და შეცნობა, არამედ ახალი რეალობის შექმნა.

ფუტურიზმი [[ავანგარდიზმი|ავანგარდისტულ]] მიმდინარეობებს შორის ყველაზე რადიკალურია. ფუტურიზმის პირველი (1909  წ.) და მეორე მანიფესტის (1910  წ.) ავტორია [[მარინეტი, ფილიპო ტომაზო|მარინეტი]], იტალიელი პოეტი. მანიფესტში ხაზგასმულია მოძრაობისა და სიჩქარის სილამაზე, საფრთხისა და ამბოხის სიყვარული. ომი მიჩნეულია სამყაროს დასუფთავების საშუალებად. მარინეტი [[პოეზია|პოეზიაში]] მოითხოვდა სიტყვათა თავისუფლებას, განცდისა და გამოხატვის თანადროულობას, პუნქტუაციის რღვევას, სინტაქსის უარყოფას.

ფუტურისტები აცხადებენ, რომ თანამედროვე ცხოვრებას მეტყველების მხოლოდ ტელეგრაფიული სტლი უხდება: წყვეტილი სიტყვები, ამოძახილები, ზმნების გამოტოვება, მრავალწერტილი. ყოველივე ეს დაძაბული ნერვული მდგომარეობის და დინამიზმის გამოხატვის საშუალებაა.

[[რუსული ლიტერატურა|რუსულ ლიტერატურაში]] ფუტურიზმი '''კუბოფუტურიზმის''' სახელით შევიდა. მისი წარმომადგენლები არიან [[ვლადიმირ მაიაკოვსკი]], [[კაზიმირ მალევიჩი]] და ა.შ.

ფუტურიზმმა გამოძახილი ჰპოვა [[ქართული ლიტერატურა|ქართულ ლიტერატურაშიც]]. [[1924]] წელს საქართველოში დაარსდა პირველი ფუტურისტული ჟურნალი ''H₂S_O4''.

== რესურსები ინტერნეტში ==

* [http://www.ditl.info/arttest/art1954.php ფუტურიზმის განსაზღვრება, ანალიზი, კომენტარები.]

* http://www.futurism.org.uk/

* http://www.neofuturists.org

* http://www.nyneofuturists.org

* [http://www.rebel.net/~futurist/indiceframe.htm იტალიური ფუტურისტული არქიტექტურა]