'''ბერტრან ტულუზელი''' ({{lang-fr|Bertrand de Toulouse}}); (დ. დაახლოებით [[1065]] — გ. [[21 აპრილი]], [[1112]])— [[ტულუზის საგრაფო|ტულუზის გრაფი]], [[პროვანსის საგრაფო|პროვანსის მარკიზი]], [[ნაბრონის საჰერცოგო|ნაბრონის ჰერცოგი]] და ტრიპოლის გრაფი ([[1109]] წლიდან) [[1105]]–[[1112]] წლებში. ის იყო [[რაიმუნდ IV ტულუზელი]]ს უფროსი ვაჟი. ბერტრანი რაიმუნდის [[პირველი ჯვაროსნული ლაშქრობა|ჯვაროსნულ ლაშქრობაში]] წასვლიდან მართავდა ტულუზას ([[1095]]), მაგრამ [[1098]]–[[1100]] მისი ბიძაშვილის, [[ფილიპა ტულუზელი|ფილიპას]] მიერ იგი გადაყენებული იქნა თანამდებობიდან, მისი ქმრის — [[ვილჰელმ IX აკვიტანიელი]]ს დახმარებით, რომელიც შეიჭრა ტულუზაში და დაიპყრო იგი. ბერტრანმა ძალაუფლება დაიბრუნა მას შემდეგ, რაც ვილჰელმს დაუფინანსა ექსპედიცია წმინდა მიწაზე. [[1105]] წელს, რაიმუნდის გარდაცვალების შემდეგ, ბერტრანი ტულუზის სრულუფლებიანი მმართველი გახდა. [[1108]] წელს იგი გაემგზავრა წმინდა მიწაზე, რათა მოეპოვებინა კონტროლი [[ტრიპოლის საგრაფო]]ზე.<ref>Asbridge 2000, p. 115.</ref> მან გადააყენა ტრიპოლის რეგენტი [[უილიამ იორდანი]] და [[1109]] წლის [[10 ივნისი|10 ივნისს]], [[ბალდუინ I იერუსალიმელი]]სა და გენუის ფლოტის დახმარებით [[ტრიპოლის ალყა|აიღო ტრიპოლი]]. [[1095]] წელს იქორწინა [[ელენა ბურგუნდიელი|ელენა ბურგუნდიელზე]], [[ოდო I ბურგუნდიელი|ოდო I]]-ს ქალიშვილზე. ბერტრანი [[1112]] წელს გარდაიცვალა. ტრიპოლის გრაფი მისი შვილი — [[პონს ტრიპოლელი]] გახდა.
