'''სოხოისტის ბრძოლა 1545''' — ბრძოლა [[საქართველო]]ს და [[ოსმალეთი]]ს ლაშქარს შორის. გაიმართა [[1545]] წელს.<ref>{{cite book |last=მ. ლორთქიფანიძე, ო. ჯაფარიძე, დ. მუსხელიშვილი, რ. მეტრეველი|first= |year=[[2012]] |title=საქართველოს ისტორია ოთხ ტომად, ტ. III — საქართველოს ისტორია XIII საუკუნიდან XIX საუკუნემდე |publisher=პალიტრა L |location=[[თბილისი]] |isbn=978-9941-19-586-0 | pages=162 |ref=CITEREFსაქართველოს ისტორია, ტ. III2012}}</ref> [[ქარაღაქის ბრძოლა|ქარაღაქის ბრძოლაში]] ([[1543]]) [[იმერეთის სამეფო|იმერეთის]] მეფის [[ბაგრატ III (იმერეთის მეფე)|ბაგრატ III-ის]] გამარჯვების შემდეგ ოსმალებმა გადაწყვიტეს ხელახლა ელაშქრათ [[სამცხე-საათაბაგო]]ში, ბაგრატ III-მ დახმარება სთხოვა [[ქართლი]]ს მეფე [[ლუარსაბ I|ლუარსაბ I-ს]] და [[გურიის სამთავრო|გურიისა]] და [[ოდიში (მხარე)|ოდიშის]] მთავრებს. ამ უკანასკნელმა ლაშქრობაში მონაწილეობა არ მიიღო. იმერეთ-ქართლისა და გურიის გაერთიანებული ლაშქარი [[ბასიანი]]საკენ გაემართა, სადაც დაბანაკებული იყო ოსმალთა ჯარი. ბრძოლა გაიმართა [[სოხოისტა]]სთან. მეწინავეობა ქართლის ჯარს დაეკისრა, ამით განაწყენებულმა მესხებმა მიატოვეს ბრძოლის ველი. ბრძოლა დილიდან საღამომდე გაგრძელდა. ქართველები დამარცხდნენ. სოხოისტის ბრძოლის შედეგად იმერეთ-სამცხე-საათაბაგოს ერთიანი სახელმწიფოს არსებობას ბოლო მოეღო ([[მურჯახეთის ბრძოლა 1535]]). ოსმალებმა მტკიცედ მოიკიდეს ფეხი სამხრეთ საქართველოში, რასაც შემდეგ მისი სრული დაპყრობა მოჰყვა.
