'''გალაპაგოსის კუნძულები''' ({{lang-es|Islas Galápagos}}) — კუნძულთა [[არქიპელაგი]] [[წყნარი ოკეანე|წყნარ ოკეანეში]], [[სამხრეთ ამერიკა|სამხრეთ ამერიკის]] კონტინენტის დასავლეთით, სანაპიროდან 965 კილომეტრის დაშორებით. [[1832|1832 წლის]] [[12 თებერვალი|12 თებერვლიდან]], კუნძულები ეკუთვნის [[ეკვადორი|ეკვადორს]], მას შემდეგ რაც ამ ქვეყანამ მათი [[ანექსია]] მოახდინა.
[[1535|1535 წელს]], გალაპაგოსის კუნძულები აღმოაჩინა [[პანამა|პანამის]] ეპისკოპოსმა [[ტომას დე ბერლანგა]]მ. კუნძულები პირველად გამოჩნდა [[გერჰარდ მერკატორი]]სა და [[აბრაჰამ ორტელიუსი]]ს რუკებზე გამოჩნდა, დაახლოებით [[1570|1570 წელს]].<ref>{{cite book |last=Stewart |first=Paul D. |title=Galápagos: the islands that changed the world |publisher=Yale University Press |year=2006 |page=43 |isbn=978-0-300-12230-5 }}</ref> მას შემდეგ არაერთი ექსპედიცია ეწვია გალაპაგოსს, მაგრამ ყველაზე მნიშვნელოვნად შეიძლება ჩაითვალოს [[1835|1835 წლის]] [[ევროპა|ევროპელი]] მეცნიერების ექსპედიცია, რომელთა რიგებშიც შედიოდა ახალგაზრდა ბრიტანელი ბიოლოგი [[ჩარლზ დარვინი]]. აქ გატარებული დროის განმავლობაში, დაკვირვებებზე დაყრდნობით, მოგვიანებით მან გამოაქვეყნა თავისი გახმაურებული ნაშრომი „სახეობათა წარმოშობა“. სწორედ [[ჩარლზ დარვინი|ჩარლზ დარვინის]] ნაშრომების შედეგად გახდა ეს კუნძულები საქვეყნოდ ცნობილი. [[1956|1956 წელს]], ექსპედიციამ [[თურ ჰეიერდალი]]ს მეთაურობით, დაამტკიცა, რომ მათ ვიზიტამდე ბევრად ადრე, [[ინდიელები]] კარგად იცნობდნენ კუნძულებს.
