მიქაელ I (მთავარეპისკოპოსი): განსხვავება გადახედვებს შორის

''' მიქაელ I''' — [[ქართლი]]ს [[ეპისკოპოსი]] ([[მთავარეპისკოპოსი]]ს ტიტულით) V ს-ის 50-იანი წლებიდან 60-იანი წლების ბოლომდე. [[ბიზანტია|ბიზანტიიდან]] მოწვეული [[ბერძნები|ბერძენი]]. [[ვახტანგ გორგასალი|ვახტანგ გორგასლის]] აღმზრდელ-მასწავლებელი. მიქაელი იღვწოდა [[ქრისტიანობა|ქრისტიანობის]] განმტკიცებისათვის, ენერგიულად ებრძოდა ქართლში ფეხმოკიდებულ სხვადასხვა [[ერესი|ერესს]] და [[მაზდეანობა]]ს. დაწვა ქართლის ეპისკოპოსის [[მობიდანი]]ს ერეტიკული წიგნები. მიქაელი არ ემხრობოდა ვახტანგ გორგასლის საეკლესიო-სახელმწიფოებრივ პოლიტიკას, რომელიც ზღუდავდა ეკლესიის დამოუკიდებლობას. მეფესა და მიქაელს შორის უთანხმოება ისე გამწვავდა, რომ განაწყენებულმა ეპისკოპოსმა მასთან საამბორებლად მისულ ვახტანგს ფიზიკური შეურაცხყოფა მიაყენა, მან ვახტანგს კბილი ჩაუმტვრია. ამ კადნიერებისათვის მიქაელი ქართლიდან გააძევეს.