'''ალკიბიადე''' (დ. დაახლ. [[ძვ. წ. 450]], [[ათენი]] ― გ. [[ძვ. წ. 404]], [[ფრიგია]]) — ათენელი (ძველი ბერძენი) პოლიტიკოსი და სახელმწიფო მოღვაწე. მხედართმთავარი, [[პერიკლე]]ს გაზრდილი, [[სოკრატე]]ს მოწაფე. ნიჭიერი ავანტიურისტი ალკიბიადე გვევლინება. მასთან უერთიერთობაში აშკარად გამოჩნდა დემოკრატიის სისუსტე. სახალხო კრება ვერ გაერკვა, ათენის დემოკრატიისთვის სპარტა უფრო სახიფათო იყო, თუ ალკიბიადე. იგი არაერთხელ დაინიშნა სარდლად, წარმატებებსაც მიაღწია, მაგრამ გაწვეულ იქნა უკან. ალკიბიადე იყო [[სიცილია]]ზე ექსპედიციის ([[ძვ. წ. 415]] - [[ძვ. წ. 413]]) სულისჩამდგმელი. ექსპედიციისთვის მზადების ბოლო ეტაპზე ათენში უცნობებმა [[ჰერმები]], ღვთაების ქანდაკებები შებღალეს. დანაშაული ალკიბიადეს დაბრალდა. მან ისურვა, სიცილიაზე გამგზავრებამდე ემართლებინა თავი, მაგრამ სასამართლო გადაიდო მის ნაცვლად იქ ნიკიასი გაგზავნეს, ხოლო ალკიბიადემ ვერ გაბედა ათენში დაბრუნება, თავი [[სპარტა]]ს შეაფარა და ლაკედემონელებს სიცილიური ექსპედიციის ამბავიც გაუმხილა.
