'''ევა მერი კესიდი''' (Eva Marie Cassidy) (* [[2 თებერვალი]], [[1963]], [[ვაშინგტონი]], [[აშშ]] ― † [[2 ნოემბერი]], [[1996]], [[ბოუი]], [[მერილენდი|მერილენდის შტატი]], [[აშშ]]) იყო [[აშშამერიკელები|ამერიკელი]] [[ვოკალისტი]], რომელიც ბრიტანულმა გაზეთმა ''[[The Guardian]]'' „მისი თაობის უდიადესი ხმის პატრონად” შერაცხა. მისი მრავალფეროვანი რეპერტუარი [[ჯაზი|ჯაზისაგან]], [[ბლუზი|ბლუზისაგან]], [[ფოლკი|ფოლკისაგან]], [[გოსპელი|გოსპელისაგან]] და [[პოპი|პოპისაგან]] შედგებოდა. ევას მის მშობლიურ ქალაქ [[ვაშინგტონი]], [[აშშ]]-ის გარეთ თითქმის არავინ იცნობდა, როდესაც ის 1996 წელს მელანომით გარდაიცვალა. თუმცა, მისი გარდაცვალების შემდეგ გამოცემული სიმღერათა კრებულების გაყიდვების რაოდენობამ ოთხ მილიონს გადააჭარბა, ხოლო [[2001]] წლის დასაწყისში გამოცემულმა ალბომმა ''[[Songbird (ევა კესიდის ალბომი)|Songbird]]'' [[ინგლისი|ინგლისის]] ალბომთა რეიტინგში პირველ ადგილს მიაღწია.