'''მარკო პოლო''' ({{lang-it|Marco Polo;}} დ. [[15 სექტემბერი]], [[1254]], [[ვენეცია]] — გ. [[8 იანვარი]], [[1324]], [[ვენეცია]]) — ვენეციელი [[ვაჭარი]] და [[მოგზაური]], ერთ-ერთი პირველი ევროპელთაგანი, რომელმაც [[აბრეშუმის გზა|აბრეშუმის გზის]] გავლით [[ჩინეთი|ჩინეთს]] მიაღწია. ვენეციელ ვაჭარ მამასა და ბიძასთან ერთად პოლო დაახლოებით [[1271]]-[[1275|1275 წლებში]] ზღვით მივიდა [[მცირე აზია|მცირე აზიის]] სამხრეთ-აღმოსავლეთ სანაპიროზე, გაიარა [[სომხეთის მთიანეთი]], [[მესოპოტამია]], [[ირანის მთიანეთი]], [[პამირი]], [[კაშგარი]] და ჩავიდა [[ჩინეთი|ჩრდილოეთ ჩინეთში]]. [[იუანის დინასტია|იუანის იმპერატორის]], [[ყუბილაი]]ს სამსახურში ყოფნის დროს ([[1292|1292 წლამდე]]) მოინახულა ქვეყნების სხვადასხვა მხარე. [[1295|1295 წელს]] წამოვიდა [[ჩინეთი|სამხრეთ ჩინეთიდან]], გაიარა ირანი და ზღვით დაბრუნდა [[ვენეცია]]ში. დაახლოებით [[1297|1297 წელს]] ტყვედ ჩაუვარდა გენუელებს. მისი ნაამბობი მოგზაურობაზე ჩაიწერა ტუსაღმა რუსტიჩანომ, შემდგომში ამ ჩანაწერებით შედგა „მარკო პოლოს წიგნი“ — ძვირფასი წყარო სხვადასხვა ქვეყნების [[გეოგრაფია|გეოგრაფიის]], [[ეთნოგრაფია|ეთნოგრაფიისა]] და [[ისტორია|ისტორიის]] შესახებ. წიგნში მრავლადაა აგრეთვე ხალხური თქმულებები, ლეგენდები და ზღაპრები. წიგნი ითარგმნა [[დასავლეთი ევროპა|დასავლეთ ევროპის]] მრავალ ენაზე და [[XIV საუკუნე|XIV]]-[[XVI საუკუნე]]ების ზღვაოსნების (მათ შორის [[ქრისტეფორე კოლუმბი]]ს) კარტოგრაფებისა და მწერლების დიდი ინტერესი გამოიწვია. მის წიგნში ნახსენებია [[საქართველო]]ც. ყველაზე დიდი ნაწილი ეთმობა [[ჩინეთი|ჩინეთს]].
== რესურსები ინტერნეტში ==
* [http://slovari.yandex.ru/~книги/БСЭ/Поло%20Марко/ მარკო პოლო – დიდი საბჭოთა ენციკლოპედია] {{ru icon}}
* [http://www.concordtravel.ge/portal/alias__concordtravelasfs__concordtravel/lang__ka-GE/tabid__1429/default.aspx მარკო პოლო და მისი მოგზაურობები]▼