'''სოციალისტ-ფედერალისტები''', ''საქართველოს სოციალისტ-ფედერალისტების სარევოლუციო პარტია'' — [[1901]] პოლიტიკურ ასპარეზზე გამოვიდა გაზეთ „[[ივერია (გაზეთი)|ივერიისა]]“ და „[[ცნობის ფურცელი|ცნობის ფურცლის]]“ გარშემო შემოკრებილ ქართველ ინტელიგენტთა ჯგუფი (ა. ჯორჯაძე, გ. ლასხიშვილი, გ. და ა. დეკანოზიშვილები, გ. რცხილაძე, ს. ფირცხალავა და სხვები) და დაიწყო მუშაობა პარტიის შესაქმნელად. აირჩიეს ხელმძღვანელი კომიტეტი. 1903 წელს პარიზში დაიწყეს გაზეთ „საქართველოს“ გამოცემა. სოციალისტ-ფედერალისტები საქართველოს ავტონომიას კონსტიტუციური პარლამენტარიზმის საფუძველზე ვარაუდობდნენ. [[1904]] წლის აპრილში გაზეთ „საქართველოს“ რედაქციამ იმ ქართველ ახალგაზრდების სხვადასხვა ჯგუფის მონაწილეობით, რომლბიც საზღვარგარეთ სწავლობდნენ, ჟენევაში მოიწვია კონფერენცია. სოციალისტ-ფედერალისტებმა მოითხოვეს საქართველოს სახელმწიფოებრიობის აღდგენა და საქართველოს ავტონომიისა და ფედერალიზმის იდეა წამოაყენეს.
