პორტსმუთი (საფეხბურთო კლუბი)

პორტსმუთი (ინგლ.Portsmouth F.C.) - ინგლისური საფეხბურთო კლუბი ქალაქ პორტსმუთში, ჰემფშირში. გუნდი ამჟამად ინგლისის პირველ დივიზიონში ასპარეზობს. პორტსმუთი საშინაო მატჩებს კლუბის დაარსების დღიდან (1898) ფრატონ პარკზე ატარებს. გუნდმა ინგლისის ჩემპიონობა ორჯერ 1949 და 1950 წელს მოიპოვა, ინგლისის ასოციაციის თასი კი 1939 და 2008 წელს მოიგო.

გუნდის ისტორიული მეტოქეა საუთჰემპტონი, სწორედ ამ ორ კლუბს შორის იმართება ისტორიული ჰემფშირული დერბი.