[[1950]] წ. მეცნიერებმა საინტერესო ფაქტებს მიაგნეს. ოქსფორდის უნივერსიტეტის პროფესორმა ჰომერ დაბსმა (Homer Dubss) გამოაქვეყნა სამეცნიერო კვლევათა პირველი დოკუმენტები. როგორც გაირკვა, რომაული [[არმია]] მთლიანად არ განადგურებულა. კარრის ბრძოლას გადაურჩა 150-მდე ლეგიონერი, რომლებიც რომში აღარ დაბრუნდნენ და აღმოსავლეთისკენ გააგრძელეს გზა. ისინი დაქირავებულ საბრძოლო ჯგუფს წარმოადგენდნენ; ასევე წვრთნინდნენ სხვადასხასხვადასხვა ქვეყნის ჯარებს. [[2007]] წ. მეცნიერებმა მოინახულეს ჩინური სოფელი ლაქიანი [[გობის უდაბნო]]ს მახლობლად, სადაც, გადმოცემით სახლობდნენ [[რომაელი ლეგიონერები]]. მეცნიერებმა აღმოაჩინეს ადამიანები, რომელთაც ჰქონდათ ქერა თმები, ლურჯი და მწვანე თვალები და ჩინელებისთვის არადამახასიათებელი ცხვირის ფორმები. ჩინურ წყაროებში არსებობს ცნობები, რომ [[ჰანის დინასტია|ჰანის დინასტიის]] ჩინეთის არმიის [[გენერალი ჩენგ ტანგი]] შეებრძოლა „კუს საბრძოლო წყობის“ (რომაულ ლეგიონერთა ცნობილი საბრძოლო ფორმირება) რაზმს და [[ტყვე]]დ აიყვანა. [[ჩინელები]] ისე მოხიბლულან ლეგიონერთა ბრძოლის ხერხებით, რომ ისინი გაათავისუფლეს და თავიანთ არმიაში მიიღეს. სწორედ რომაელთა დახმარებით აიღეს ჩინელებმა ქალაქი [[განსუ]], რომელსაც შემდგომში უწოდეს ახალი სახელი „ლი-ჟიენ“, რაც [[ფონოლოგია|ფონოლოგიურად]] ძლიერ წააგავს „ლეგიონს“. [[არქეოლოგიური გათხრები]]ს შედეგად მეცნიერებმა მოიპოვეს [[რომაული მონეტები]] და რკინის [[ჩაფხუტი]], რომელსაც ჩინურად აწერია „ტყვე“.
